गण्डक न्युज, पोखरा, २१ फागुन / पोखरा लेखनाथ महानगरपालिका २६ विजयपुरमा आइतबार राति भएको सवारी दुर्घटनामा दुई जनाको मृत्यु भएको छ ।

ग ११ प ३६४५ नम्बरको बाइकमा सवार दुई जनाको मृत्यु भएको प्रत्यक्षदर्शीले बताएका छन् । तीब्र गतिमा गुडेका दुवै सवारी एकआपसमा ठक्कर खाएका थिए । ठक्करबाट दुई जनामध्ये एकजनाको घटनास्थलमै जयान गएको थियो । अर्का गम्भिर घाईतेलाई अस्पताल लगिएकोमा केहि छिन पछि नै मृत्यु भएको हो ।

पल्सर बाइकको अगाडिको भाग कामै नलाग्ने गरी क्षति भएको छ । ठक्करबाट एकजना मोटरसाईकलमै किचिएका थिए भने अर्को नालीमा बजारिएका थिए ।

तस्विर: विनायक रानाभाट

यस्तै, जिरोकिमीदेखि बाग्लुङ बसपार्क सडकखण्डमा आईतबार बेलुकी भएको दुर्घटनामा मोटरसाइकल मा क्षति पुगेको छ ।भने चालक घाईते भएका छन् । प्रत्यक्षदर्शीका अनुसार सडकमा उभिएको छाडा चौपायाका कारण मोटरसाईकल दुर्घटना भएको थियो । ग५प४३६८ नम्बरको मोटरसाईकल क्षतविक्षत भएको छ । चालकलाई हस्पिटल लगिएको थियो । प्रहरी एक घण्टा ढिलो पुगेको स्थानीयको गुनासो छ ।

पोखरामा पछिल्लो समय सवारी दुर्घटनाको संख्या बढेको छ । विजयपुर नजिकै चाउथेमा होलीको दिन चार गाडी आपसमा ठोक्किएको थियो भने त्यही राति हेम्जामा एक युवकको स्कुटर दुर्घटनामा ज्यान गएको थियो ।

 तस्विरहरु: पत्रकार शिवराज बस्ताकोटीको फेसबुकबाट