किरण श्रेष्ठ, तनहुँ ।  विभिन्न मुद्दामा जेलजिवन बिताईरहेका तनहुँका नौ जना कैदीबन्दीको कैद भुक्तानी मिनाह भएको छ । गणतन्त्र दिवसको अवसरमा सरकारले ४० प्रतिशत कैद मुक्तान गरिसकेका र असल चालचलन भएका कैदीबन्दीहरुको कैद भुक्तानी मिनाह गर्ने परम्परा अनुसार जिल्ला कारागार तनहुँबाट नौ जना कैदीबन्दीको बाँकी कैद भुक्तानी मिनाह गरिएको हो । बाँकी कैद भुक्तानी मिनाह भई रिहा हुनेहरुमा सवारी ज्यान मुद्दाका ४ जना, कर्तव्य ज्यान मुद्दाका ३ जना, १ जना चोरीका र बहुबिबाहका १ जना रहेको जिल्ला कारागार तनहुँले जनाएको छ । जवरजस्ती करणी, हातहतियार, वन्यजन्तु, लागु औषध लगायतमा भने कैदीलाई छुट छैन ।

सवारी ज्यान मुद्दामा कैद मिनाह भएकाहरु :

१. कृष्ण बहादुर थापा (व्यास नगरपालिका वडा नम्बर १२)
२. अर्जुन गुरुङ (धादिङ)
३. तारानाथ पुरी (सर्लाही)
४. विनोद मगर (महोतरी)

कर्तव्य ज्यान मुद्दामा कैद मिनाह भएकाहरु :

१. शेरबहादुर आले (रिसिङ गाउपालिका)
२. जग बहादुर राना (व्यास नगरपालिका वडा नम्बर १४ )
३. कौशल रानामगर (गोरखा)

चोरीमा कैद मिनाह भएका :
१. बुद्दिमान गुरुङ (कास्की)

बहुविवाह उद्योगमा कैद मिनाह भएकाहरु :
१. राजकुमार राना (नवलपरासी)