तनहुँ । पृथ्वी राजमार्ग अन्तरगत तनहुँको गुणादिमा बस र मोटरसाइकल ठोक्किदा मोटरसाइकल चालकको मृत्यु भएको छ ।

उक्त दुर्घटनामा परि मोटरसाइकल चालक पोखरा महानगरपालिका-३३ बस्ने वर्ष ३१ को सन्दिप कुवंरको मृत्यु भएको हो ।

दुर्घटनामा परि घाइते कुवंर लाई उपचारका लागि दमौलि अस्पताल ल्याइएको थियो तर उनको मृत्यु भएको प्रहरीले जनाएको छ ।

सोमबार म्याग्दे गाउँपालिका वडा नम्बर १ गुणादीमा बस र मोटरसाइकल एकआपसमा ठोक्किदा उक्त दुर्घटना भएको जिल्ला प्रहरी कार्यालय तनहुँले जनाएको छ ।

दमौलीबाट पोखरा तर्फ जादै गरेको ना ६ ख ८४१० नम्बरको बस र बिपरित दिशाबाट आउदै गरेको प्रदेश नं ३ -०२-००१ प ६०३५ नम्बरको मोटरसाइकल एकआपसमा ठोक्किदा उक्त दुर्घटना भएको हो ।

त्यस्तै मोटरसाइकलको पछाडि सवार पोखरा महानगरपालिका-७ मासबार बस्ने वर्ष २५ कि सिर्जना रावत घाइते भएकी छिन ।

रावतको दायाँ खुट्टा र छातिमा चोट लागेको र अवस्था गम्भीर रहेको जिल्ला प्रहरी कार्यालय तनहुँका डिएसपी लिलाराज लामिछानेले जानकारी दिए ।

घाइते रावतको दमौली स्थित रत्नहरि अस्पतालमा उपचार भईरहेको र बस, मोटरसाइकल र बस चालक प्रहरीको नियन्त्रणमा रहेको प्रहरीले जनाएको छ ।