किरण श्रेष्ठ, दमौली । तनहुँको सदरमुकाम दमौलीमा मंगलबार गणतन्त्र दिवसको अवसरमा व्यास नगरपालिकाको आयोजनामा नगर सरसफाई कार्यक्रमको आयोजना भएको थियो ।

“नगर सरसफाई कार्यक्रम” भने तापनि दमौली बजारको सफा सडकमा मात्रै सरसफाई कार्यक्रम गरियो ।

कार्यक्रममा जिल्लाका विभिन्न संघसस्था संगै जनप्रतिनिधि, नेता, सरकारी कर्मचारी र सर्वसाधारणहरुको सहभागिता रहेको थियो । सरसफाईको नाउँमा देखावटी काम भएको स्थानिय बताउछन ।

फोटो खिच्नैका लागि पनि कतिपय उक्त सरसफाई कार्यक्रममा देखा परेको स्थानियले बताए । उक्त कार्यक्रमको फोटो सामाजिक संजालमा आए संगै उक्त कार्यको समर्थन भन्दा बढी विरोध भएको देखिएको छ ।

सामाजिक संजालमा प्रेम श्रेष्ठ कमेन्ट गर्छन,”नगर त भन्न मिल्दैन । सफासड्क मात्र भन्न मिल्छ ।” त्यस्तै मनराज गुरुङ यसो भन्छन।,” एकदिन नगर सरसफाई गरेर सफा हुने होइन बरु फोहोर गर्ने माथि कडा रुपमा कारबाही गरे सधै व्यास नगर सफा हुन्छ होइन भने यो खाले कार्यक्रम पुरानो मोडलको भो नयाँ गर्न जरुरि छ ।”

जहाँ सफाई गर्नुपर्ने छ त्यहाँ नगरी सफाई भएकै ठाउँमा पुन: सफाई गर्नु, फोटो खिच्नु, सेल्फी खिचि समाजिक संजालमा पोष्ट गरि आफुलाई प्रचार गर्नु र जनतालाई देखाउने कार्य मात्र भइरहेको स्थानियहरु कै गुनासो रहेको छ ।

दमौली बजार कै मुख्य ठाउँका बाटोमा नाला हुँदाहुँदै पनि पानी जमेको छ । पृथ्वी राजमार्गको बाटो छेउमै नालाको पानी जमेर आवतजावतमा हुने गरेको दमौलीबासि लाई यथावत नै छ ।

व्यास नगरपालिकाले सरसफाई गर्ने अन्य ठाउँ नदेखेरै सफा सडक मै सरसफाई कार्यक्रम राखेको हो त ? भन्ने प्रश्न दमौलिबासिमा उब्झेको छ ।