पोखरा । आज राष्ट्रिय धान दिवस । नेपालभर असार १५ गते,धान दिवस, रोपाइँ जात्रा आदि नामले मनाइँदै छ । किसान वर्षभरका लागि छाक जुटाउन यो महिनामा खेतीमा ब्यस्त हुन्छन् ।
आजका दिन असारे भाकामा लोकदोहोरी गाउँदै धान रोपिन्छ । युवा लाठे र युवती रोपाहारले खेतका गराको हिलो छ्यापाछ्याप गरेर मनोरञ्जन गर्छन् । कामको चटारोले थकित भएका किसान शक्तिप्राप्तिका लागि दही चिउरा खान्छन् । यसबेला दही चिउराले शरीरमा शीतलता भई शक्ति सञ्चय हुने विश्वास गरिन्छ ।
असार १५ लाई नेपाली समाजमा दही चिउरा खाने पर्वका रुपमा पनि लिइन्छ । खेतीपातीबाहेक अन्य पेसा र व्यवसायमा लागेका नेपालीले पनि आज दही चिउरा खाई असार १५ मनाउँछन् । आज गाउँठाउँका हुने खानेले बेठी लगाएर धान रोपाइँ गर्छन् । यसरी धान रोपाइँ गरे खेतबाट सह बसी मनग्य उत्पादन हुने विश्वास रहेको छ ।
यस्तै आज पोखरामा १६ औँ असारे रोपाई महोत्सव –२०७६ हुँदैछ । ‘पोखरा सबै मौसमका लागि’ भन्ने मुल नाराका साथ पोखरा पर्यटन परिषदले पोखरा १७ महतगौँडाको बिरुवाफाँटमा रोपाईँ महोत्सव आयोजना गरेको हो । पोखराको पामे र बेगनास क्षेत्र वरीपरी पनि धान दिवस मानईन्छ ।
महोत्सवको अवसरमा साउने प्रतियोगिता (हलगोरुको दौड), विभिन्न आमा समुह बीच असारे गीत तथा रोपाइँ प्रतियोगिता,साँस्कृतिक प्रस्तुती लगाएतका कार्यक्रम समावेश गरिएको छ । परिषदले विगत १५ वर्षदेखि असारे रोपाई महोत्सव गर्दै आएको छ ।
सम्बन्धित खबर
प्राकृतिक स्रोत तथा वित्त आयोगले गण्डकी प्रदेश प्रमुख समक्ष पेस गर्यो वार्षिक प्रतिवेदन
पोखरा शिशुवामा रहेको चक्रदेवी सहकारी तोडफोड, ९ जना पक्राउ
गण्डकीका मुख्यमन्त्रीले लिएको विश्वासको मत विरुद्धको मुद्दा ‘हेर्दाहेर्दै’मा
स्याङ्जाका १० हजार बालबालिकालाई आइपिभी खोप लगाइने
पृथ्वीचोकमा बसबाट झर्नासाथ तानातान गरेर हैरान पारेको आरोपमा ७ जना पक्राउ
पोखराको प्राइम सहकारी ठगी कसूरमा थप एक पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग