कहिलेकाहीँ  एटिएमबाट पैसा झिक्ने क्रममा हाम्रो खाताबाट पैसा काटिन्छ तर एटिएम मेसिनले पैसा दिँदैन । यस्तो बेला तनाव लिने भन्दा पनि समझदारी अपनाउनु उत्तम हुनेछ । खाताबाट रकम काटियो तर एटिएमबाट पैसा नआउँदा यो कुरामा निश्चिन्त हुनुहोस् कि तपाईंको पैसा कतै हराएको छैन । तपाईंको पैसा निश्चित रुपमा फिर्ता हुने छ ।

कसरी ? 

बैंकको नियमअनुसार एटिएमबाट पैसा निकाल्दा खातामा पैसा काटियो तर हातमा आएन भने निश्चित रुपमा तपाईंको पैसा कतै हराउने छैन । उक्त पैसा तपाईंको बैंक खातामा फिर्ता आउने छ । यद्यपि यसका लागि केही सर्त रहेका छन् । ति सर्तलाई पालना गर्न आवश्यक छ ।

* एटिएमबाट पैसा आएन तर तपाईंको खाताबाट रकम काटियो भने सबैभन्दा पहिला सम्बन्धित बैंकमा गएर यसबारे जानकारी दिनुहोस् । यदि उक्त समयमा बैंक बन्द रहेछ भने बैंकको ग्राहक सेवा नम्बरमा फोन गरेर जानकारी गराउनुहोस् ।

* ट्रान्जेक्सन फेल भएको उजुरी गरेपछि कम्तीमा एक हप्ता भित्र तपाईंको खातामा काटिएको रकम फिर्ता हुनेछ । त्यसो नभएको अवस्थामा ट्रान्जेक्सन फेल भएको कारण बैंकले बताउने छ । यसका लागि ट्रान्जेक्सन फेल भएको स्लिप बैंकलाई उपलब्ध गराउनुहोस् । स्लिप नपाएको खण्डमा बैंक स्टेट्मेन्ट हेर्नुहोस् ।

* ट्रान्जेक्सन फेल हुँदैमा आत्तिहाल्नु पर्दैन । कम्तिमा २४ घण्टा पर्खनुहोस् । यो अवधिमा खातामा पैसा फिर्ता नआएको खण्डमा बैंकको सम्बन्धित शाखामा लिखित निवेदन दिनुहोस् ।

* निवेदन दिएपछि एकहप्ता भित्र तपाईंको खातामा पैसा फिर्ता हुनेछ । यदि त्यसो नभएको खण्डमा बैंकले थप प्रक्रिया अगाडि बढाएर तपाईंको पैसा फिर्ता गर्ने कार्यमा सहयोग गर्नेछ ।

-खबर हबबाट