पूर्वसचिव अर्जुन कार्कीकी श्रीमती मुनाको उनकै घरमा काम गर्ने विजय चौधरीले हत्या गरेको दृष्य सीसीटीभीमा देखिएको छ । घरमा रहेको सीसीटीभीको भिडियो फुटेज अध्ययन गर्दा चौधरीले नै कार्कीमाथि आक्रमण गरी हत्या गरेको देखिएको प्रहरीले जनाएको छ ।
प्रहरीका अनुसार सीसीटीभी फुटेजमा बिहान १० बजे चौधरी भान्सा कोठामा जान्छन् । त्यतिबेला पूर्वसचिव कार्कीकी श्रीमती मुना भान्साकोठामा नै हुन्छिन् । मुनाले पछाडी फर्किएको बेला डोरीले घाँटीमा कसेर भुइँमा लडाएको देखिन्छ । भुइँमा लडेपछि पिर्का प्रहार गरेको भेटिन्छ । कपाल समातेर भुइँमा बजारेको पनि देखिएको छ ।
मुना कार्की सानेपास्थित निवासमा सोमबार बिहान रगतले लतपतिएको अवस्थामा अचेत भेटिएकी थिइन् भने चौधरी पनि घरमै मृत फेला परेका थिए । कार्कीको घरमा कार्यरत कामदार २२ वर्षीय विजय चौधरीले मुनाको हत्यापछि झुण्डिएर आत्महत्या गरेको प्रहरीको भनाइ छ । यद्यपि, दुईबीच के रिसिइबी थियो भन्ने खुलिसकेको छैन ।
प्रहरीले हत्याको कारण खोज्दै विभिन्न व्यक्तिसँग वयान लिने क्रम जारी राखेको छ । छिमेकीका अनुसार चौधरीलाई कार्की परिवारले सानैदेखि घरमा राखेको थियो । प्रहरीका अनुसार घटना हुँदा पूर्वसचिव कार्की घरमा थिएनन् । उनी बिहानजै उठेर पशुपतिनाथको दर्शन गर्न गएका थिए । फर्किएर आउँदा उनले श्रीमती मुनालाई अचेत अवस्थामा फेला पारेर प्रहरीलाई खबर गरेका थिए ।
कार्कीका एक छोरा र दुई छोरी रहेका छन् । दुवै छोरी बाहिर रहेका छन् भने १२ वर्षका छोरा स्कूलमा अध्ययनरत छन् ।
सम्बन्धित खबर
मोटरसाइकल दुर्घटनामा पत्रकार यादवको मृत्यु
आज लोकतन्त्र दिवस मनाइँदै
बच्चा जन्माएको डेढ घण्टापछि आमाको मृत्यु
मोटरसाइकल दुर्घटनामा श्रीमान–श्रीमतीको मृत्यु
आजको मौसम पूर्वानुमान
जननेता मदन भण्डारीको हत्यारा अहिलेसम्म पत्ता किन नलागेको ?: कांग्रेस सभापति देउवा
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग