पोखरा – निजी तथा संस्थागत विद्यालय शिक्षक कर्मचारी युनियन नेपाल (प्याब्सियु) ले लकडाउनको अबधिको तलवको माग गर्दै पोखरा स्थित प्याव्सन, एनप्यासन र युनिप्सको कार्यालयमा तालाबन्दी गरेका छन् । शिक्षक कर्मचारीहरुलाई समेत बाँच्न देउ भन्दै निजी विद्यालयमा कार्यरत–शिक्षक कर्मचारीहरुको उल्लेख्य सहभागितामा तालाबन्दि गरिएको प्याब्सियु नेपालमा केन्द्रिय उपाध्यक्ष शिवलाल उपाध्यायले बताए ।
भीडलाई सम्बोधन गर्दै उपाध्यायले आफुहरु अहिले चरम पीडामा भएपनि कक्षा संचालन भएको खण्डमा जहाँ जुनसुकै अबस्थामा पनि पढाउन तयार भएको बताए । “बिद्यालय भित्र सामाजीक दूरी कायम गरेर होस् या अनलाइन कक्षा संचालन गरेर होस् , हामीहरु बिद्यार्थीलाई पढाउन तयार छौं, तर हामीले खाइपाई आएको तलब यथासक्य पाउनुपर्यो उपाध्यायले भने ।”
तलबकै बिषयलाई लिएर शुरु भएको शान्तिपूर्ण आन्दोलन सोमबार एक महिना पुगेको बताउंदै उपाध्यायले आज मंगलबार तीनवटा सरोकारवाला संस्थामा तालाबन्दी गर्न बाध्य भएको दाबी गरे । “हामीले एन प्याब्सन कास्कीको मुख्य द्वारमा तालाबन्दी गर्न गइरहेका छौं, यदी हामीसंग सम्झौता नगरी कसैले उक्त ताला खोल्ने दुस्साहस गर्छ भने त्यसपछी आउने जुनसुकै परिणामको जिम्मेवार स्वयं संस्था हुनुपर्ने छ ।” उपाध्यायले चेतावनी दिए ।
शिक्षक कर्मचारीको पेशागत सुरक्षाको ग्यारेन्टी गर्दै बालबालिकाको पढ्न लेख्न पाउने अधिकार सुरक्षित गर्ने कुराप्रति निजी विद्यालयका सञ्चालकहरू गम्भीर नदेखिएको उपाध्यायको आरोप छ ।
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
ढोरवाराही मन्दिरलाई धार्मिक गन्तव्यस्थलका रुपमा विकास गरिँदै
पर्यटकको चाप बढ्न नसक्दा पोखराका पर्यटन व्यवसायी चिन्तित
बागलुङमा ५६ हजार ‘मेट्रिकटन’ आलु उत्पादन
अर्जुन कुमालको कप्तानीमा गण्डकी क्रिकेट टोली घोषणा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते