बाग्लुङको ढोरपाटनस्थित बोवाङमा भीषण पहिरो, १३ जना बेपत्ता, ६ को शव फेला

अर्जुन थापा बिहिबार, १८ भाद्र २०७७

तस्विर : सामाजिक संजाल

१८ भाद्र २०७७

बाग्लुङ – अविरल वर्षाका कारण बाग्लुङको ढोरपाटनस्थित बोवाङमा गएराति बाढी आउँदा १३ जना बेपता भएका छन् । भने, बाढीमा पुरिएका मध्ये ६ जनाको शव फेला परेको छ ।

बाग्लुङका प्रमुख जिल्ला अधिकारी सुरेश न्यौपानेका अनुसार ढोरपाटन नगरपालिका बोवाङस्थित ६, ७, ८ र ९ वडामा वर्षापछि भुजिखोलामा आएको बाढीले बुधबार राति अन्दाजी ११ बजेको समयमा खोला किनारका बस्ती बगाएको हो ।

तस्विर सामाजिक संजाल

“अहिले २०/२५ घर बगाएको स्थानीयले बताएका छन् , प्रहरी घटनास्थल पुगिसकेको छ, बेपत्ताको सूची निकाल्दा १३ जना हराएको भन्ने कुरा आएको छ।” प्रजिअ न्यौपानेले गण्डक न्युजसंग भने ।

न्यौपानेका अनुसार बाढीले सबैभन्दा क्षती बोवाङको वडा नम्वर ७ मा पुर्याएको छ । घटनास्थलमा अहिले स्थानीय, जनप्रतिनिधी र प्रहरी सहितको टोलीले खोजी तथा उद्दारको कार्य गरिरहेको छ ।