Gandak News
Our News Your Views

गण्डकी प्रदेश प्रहरीद्वारा मौलो पूजा सम्पन्न

पोखरा – गण्डकी प्रदेश प्रहरी कार्यालय तथा अञ्चल सशस्त्र प्रहरी गुल्म पोखराले परम्परागत रुपमा मनाउँदै आएको महानवमीको अवसरमा मौलो पूजा कार्यक्रम सम्पन्न गरेको छ ।

गण्डकी प्रदेश प्रहरी प्रमुख प्रहरी नायव महानिरीक्षक घनश्याम अर्यालले एक कार्यक्रमका बीच मौलामा पूजा गर्नुका साथै संकल्प पूजा आरधाना गरे । अर्यालले कुविन्डो, वलि पूजाको साथै विभिन्न हातहतियारको समेत पूजा गरेका थिए । प्रहरीको एक टुकुडीले चारै दिशामा रहेका विभिन्न शक्तिपिठ एवम् देवि देवताहरुलाई शलामी अर्पण समेत गरेको थियो ।

कार्यक्रममा विजया दशमीको शुभकामना व्यक्त गर्दै प्रहरी नायव महानिरीक्षक घनश्याम अर्यालले नेपाल प्रहरी संगठनका सदस्य एवं परिवारजनमा सुख, शान्ति र समृद्धिको कामना समेत गरे । साथै उनले उक्त पूजाका बिभिन्न बिधामा कार्यसम्पादन गर्ने प्रहरी कर्मचारीलाई शिरमा पगडी बांधिदिनुका साथै नगद पुरस्कारले समेत पुरस्कृत गरेका थिए ।

कार्यक्रम कै अवसरमा गण्डकी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक दिवेश लोहनी, संघिय प्रहरी इकाई कार्यालय पोखराका प्रमुख प्रहरी वरिष्ठ उपरीक्षक नर बहादुर के.सी, गण्डकी प्रदेश प्रहरी कार्यालयका प्रहरी वरिष्ठ उपरीक्षक किरण राणा, लगायत सिनियर प्रहरी अधिकृत र अन्य प्रहरी कर्मचारीहरुद्वारा सयुंक्त रुपमा फुलपाती सहित भगवती मन्दिरको परिक्रमा समेत गरिएको थियो ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस