काठमाण्डौ – नेपालीहरुको महान पर्व विजयादशमीको मुख्य दिन आज । आज भगवान् दुर्गापक्षको मुख्य दिन । आज विजयादशमी मान्यजनको हातबाट नवदुर्गाको प्रसादका रुपमा शुभ साइतको प्रतीक रातो टीका एवं समृद्धिको प्रतीक जमरा लगाएर कोरोना कहरकाबिचमा पनि दशैँ पर्व देशभर मनाइँदैछ । घटस्थापनाका दिन स्थापना गरिएको घडाबाट अभिषेक गरी विजयादशमीको टीका लगाइन्छ ।
विजयादशमीको टीकाको शुभसाइत बिहान १० बजेर १९ मिनेटमा जुरेको नेपाल पञ्चाङ्ग निर्णायक समितिले जनाएको छ । आज विजयादशमीको दिन चन्द्रमा कुम्भ राशिमा रहेकाले टीका लगाइमाग्ने मानिस पश्चिम फर्कनुपर्ने नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतमले बताए । अध्यक्ष गौतमका अनुसार टीका लगाइदिनेले भने पूर्व फर्केर बस्नुपर्नेछ भने चन्द्रमालाई दाहिने र सम्मुख पार्दा शुभ हुनेछ ।
मीठो खाने, राम्रो लगाउने तथा पारिवारिक भेटघाट गरिने र स्नेह एवम् सद्भाव अभिवृद्धि गर्ने पर्वका रुपमा दशदिनसम्म मनाइने यो बडादशैँ पर्व धार्मिकमात्र नभएर सामाजिक–सांस्कृतिक पर्वका रुपमा समेत महत्वपूर्ण मानिन्छ । तर यो वर्ष कोरोना कहरका कारण सामाजिक दुरी कायम गर्दै कम भिडभाड गरेर यो महान पर्व मनाउनका लागि सरकारले नागरिकलाई अपिल गरेको छ ।
सम्बन्धित खबर
एमाले नेता रायमाझीसहित ७ जनालाई थुनामै राख्न सर्वोच्चको आदेश
कांग्रेस नेता आलमसहित चार जनालाई जन्मकैद
आजदेखि कक्षा १२ को परीक्षा, तीन लाख ९० हजार परीक्षार्थी सहभागी हुँदै
आजको मौसम पूर्वानुमान
डढेलो निभाउने क्रममा जलेर वृद्धको मृत्यु
विदेश पठाउने भन्दै ४० लाख बढी ठगी, २ पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग