बुल्दी पुल उद्घाटन गर्न जाने क्रममा झडप, अश्रुग्याँस प्रहार, वरिष्ठ नेता पाैडेललाई प्रहरीले राेक्याे

किरण श्रेष्ठ बुधबार, १७ मंसिर २०७७

१७ मंसिर २०७७

तनहुँको व्यास नगरपालिकाको वडा नम्बर १ को तालघरे र वडा नम्बर १० जोड्ने बुल्दि खोला माथि निर्मित पुलको उद्घाटनको विषयलाई लिएर सत्तापक्ष नेकपा र प्रतिपक्षी काँग्रेसबीचको विवाद उत्कर्षमा पुगेको छ ।

नेपाली काँग्रेसका वरिष्ठ नेता रामचन्द्र पौडेलले बुधबार दिउँसो १ बजे उद्घाटन गर्ने कार्यक्रम रहेकोमा नेपाल कम्युनिष्ट पार्टी नेकपा निकट राष्ट्रिय युवा संघ नेपाल, तनहुँले अहिलेसम्म अवरोध गरेको छ ।

युवाहरुको टोलीले नेता पौडेललाई अवरोध गर्ने क्रममा प्रहरीले अश्रुग्याँस नै प्रहार गरेको छ । यसअघि नै तनहुँ प्रशासनले जिल्लामा निषेधाज्ञा जारी गरिसकेको छ ।

अहिले नेता पौडेललाई प्रहरीले रोकेर राखेको अवस्था छ । पृथ्वीराजमार्गमा सवारी आवागमनमा अवरोध भएको छ । प्रहरीले भिड तितरवितर पार्ने क्रममा अश्रुग्याँस प्रहार गरेको छ ।