प्रधानमन्त्री केपी शर्मा ओलीले शुक्रबार मन्त्रिमण्डल हेरफेर विस्तार गर्दा दावा लामा तामाङ युवा तथा खेलकुद मन्त्री नियुक्त भएका छन् । नवयुक्त खेलकुद मन्त्री लामा सिन्धुपाल्चोकका हुन् । उनी शुक्रबार बिहानैमात्र नेकपा विभाजनमा ओली पक्षमा खुलेका थिए ।

नवनियुक्त मन्त्रीहरुलाई शितलनिवासमा शुक्रबार साँझ राष्ट्रपति विद्यादेवी भण्डारीले सपथ गराएकी थिइन् । प्रधानमन्त्रीले संसद भंग गरेपछि सात जना मन्त्रीले सामूहिक राजीनामा दिएका थिए ।

खेलकुद मन्त्रीबाट विश्वकर्मा हटाइए

यसअघिका खेलकुद मन्त्री जगतबहादुर विश्वकर्मा (सुनार) पद मुक्त भएका छन् । विश्वकर्माको कार्यकालमा नेपालले गत वर्ष १३ औं दक्षिण एसियाली खेलकुद (साग) को आयोजना गरेको थियो । विश्वकर्माकै कालमा राष्ट्रिय खेलकुद विकास ऐन २०७७ लागू भएको थियो । सोही अनुसार राष्ट्रिय खेलकुद परिषद् (राखेप) को बोर्ड गठन भएको थियो । राखेपको ७ सदस्यीय कार्यकारी समितिलाई पूर्णता दिन नपाउँदै विश्वकर्मा पद मुक्त भएका छन् ।

उनी दोस्रो पटक मन्त्रीमण्डल गठन हुँदा भएका थिए । तयसपछि सागका कारण पनि दर्जनौं पटक पुनर्गठन हुँदा उनलाई जिम्मेवारी दिइएकाले हटाइएको थिए । उनले जिम्मेवारी पनि पूरा गरे ।

प्रधानमन्त्री ओलीले शुक्रबार बालुवाटारमा खेलकुद मन्त्री विश्वकर्मासंग भेट गरी अब निर्वाचनको काममा केन्द्रित हुन विश्वकर्मालाई अनुरोध गरेका थिए ।