तनहुँ । तनहुँमा महिला तथा बालबालिका हराउने क्रम घट्दो रहेको छ । चालू आर्थिक वर्ष २०७७/७८ को साउनदेखि यही पुस मसान्तसम्म ५८ जना महिला तथा बालबालिका हराएका छन् ।
जिल्ला प्रहरी कार्यालय तनहुँको अनुसार हराएका ती मध्ये ४५ जना महिला, ११ जना बालिका र २ जना बालक रहेका छन् । हराएका मध्ये ३६ महिला, १० जना बालिक र एक जना बालक फेला परेको महिला बालबालिका सेवा केन्द्रकी प्रमुख सुजाता कार्कीले जानकारी दिईन ।
त्यस्तै ९ जना महिला, एक जना बालिका र एक जना बालक अझै फेला नपरेको प्रहरीले जनाएको छ । फेला नपरेका ती महिला तथा बालिकाहरुको प्रहरीले खोजी जारी राखेको उनको भनाइ छ ।
प्रहरीको तथ्याङ्क अनुसार गत तीन वर्षको अवधिमा महिला तथा बालबालिका हराउने क्रम घट्दो देखिन्छ ।
त्यस्तै गत आवमा १४६ जना महिला, बालबालिका हराएका थिए । ती मध्ये ११३ जना महिला, २४ जना बालिका र ९ जना बालक रहेको प्रहरीले जनाएको छ । त्यस्तै हराएकामध्ये सबै जना फेला परेका थिए ।
आर्थिक वर्ष २०७५/७६ मा २२८ जना महिला तथा बालबालिका हराएका थिए । ती मध्ये १७३ जना महिला, १५ जना बालक र ४० जना बालिका रहेका छन् । उक्त आर्थिक वर्षमा पनि सबै फेला परेको प्रहरीको तथ्याङ्कमा देखिन्छ ।
महिला तथा बालबालिका हराउनुमा वैदैशिक रोजगार, अन्तरजातीय प्रेम, सामाजिक सञ्जालको प्रयोग, गलत साथीको सङ्गत, घर झगडा, प्रेममा धोका लगायतका कारणले महिला तथा बालबालिका हराउने गरेको पाइन्छ ।
प्रहरीले खोजी कार्यमा अग्रसरता देखाउँदै आए पनि यी हराएका मध्ये फेला परेका भने अधिकांश आफन्तको सम्पर्कमा आएको देखिन्छ ।
सम्बन्धित खबर
पोखरामा १० केजी दुर्लभ वन्यजन्तुको मासुसहित एक पुरूष पक्राउ
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
बिरौटामा जुवातास खेलिरहेका ४ जना नगदसहित पक्राउ
पोखराको लेकसाइडबाट दिउँसै स्कुटर चोर्दै गर्दा एक पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
पोखरामा चेकजाँच गर्दा प्रहरीमाथि मुक्का लात्ती हान्ने स्कुटर चालक कारबाहीमा
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग