पोखराको जनप्रिय क्याम्पसमा अनेरास्ववियुको समानान्तर कमिटी गठन भएको छ । आविष्कार केसीको अध्यक्षतामा माधव कुमार नेपाल पक्षीय अनेरास्ववियुको जनप्रिय क्याम्पस कमिटी गठन भएको हो ।

उपाध्यक्षमा उज्ज्वल तिमिल्सिना, प्रकृति रानामगर तथा नवदीप क्षेत्री रहेका छन् । कमिटीको सचिवमा सुरज ढकाल चयन भएका छन् । कमिटीको सहसचिवमा अर्जुन बुढाथोकी, विप्लव खड्का, रविना श्रेष्ठ, संगम आचार्य, सुनिता आले, सुदिप अर्याल तथा आरती पौडेल रहेका छन् ।

यस्तै, अनिता लुइंटेल कमिटीको कोषाध्यक्षका रुपमा चयन भएकी छिन् । कमिटीको सदस्यमा विवेक रोका, मनिस पंगेनी, बिमल सुनार, अस्मिता थापा, अनिसा थापा, स्मृति सिंह, साधना रेग्मी लगायत रहेका छन् ।

कार्यक्रममा बोल्दै अनेरास्ववियुका केन्द्रीय सचिव राजन शर्मा पराजुलीले राजनीतिक व्यवस्था परिवर्तनको आन्दोलनमा अनेरास्ववियुको भूमिका महत्वपूण रहेको र सो आन्दोलन जनताको अधिकारका लागि केन्द्रित भएको बताए । पराजुलीले प्रधानमन्त्री तथा नेकपा एमालेका अध्यक्ष केपी शर्मा ओलाले भ्रष्टाचारीलाई संरक्षण गरेको आरोप लगाए ।

‘प्रधानमन्त्री भ्रष्टाचारविरुद्ध शून्य सहनशीलता भनेर थाक्नु हुन्न, तर उहाँकै मन्त्रीहरु भ्रष्टाचारमा लिप्त भएको देख्नुहुन्न ।’ उनले भने ‘विभिन्न भ्यु टावर बनाउँदैमा, बाटो पिच गर्न भन्दै बटन थिचेर शिलान्यास गर्दैमा र ढलेको धरहरा बनाउँदैमा समाजवाद आउने होइन । त्यसरी आउने भए भीमसेन थापाको पालामा नै आउने थियो ।’

गोबिन्द महतको अध्यक्षतामा भएको कार्यक्रममा स्वागत प्रकृति राना मगर र संचालन सचिन लुइँटेलले गरेका थिए ।