पोखरा । सामाजिक सेवामा विश्वव्यापी ब्राण्ड बनाएको लायन्स क्लब अन्तराष्ट्रियको मल्टीपल ३२५ को यही जेठ २१ र २२ गते अधिवेशन हुने भएको छ ।

अधिवेशन नजिकिएसंगै अन्तराष्ट्रिय डाइरेक्टर पदमा ‘को चुनिने’ भन्ने बिषयले अझ बढी महत्व पाएको छ ।

डिष्ट्रिक ३२५ बि १ को तर्फबाट अन्तराष्ट्रिय डाइरेक्टर पदमा उमेदवार बनेका बालकृष्ण बुर्लाकोटी सहज जितको अपेक्षा सहित सामाजिक सेवा र चुनावी अभियान दुबैमा लागिपरेका छन् । बुर्लाकोटीलाई नजिकबाट चिन्नेहरु उनको अद्भुत नेतृत्व क्षमता र लोकप्रिय व्यक्तित्वका कारण पनि उनको सहज जितको आँकलन गर्दछन् ।

‘यदि तपाइको जित भएमा देशलाई के फाइदा हुन्छ ?’  भन्ने हाम्रो सवालमा उनी भन्छन् – “ठुला र स्थायी परियोजना भित्राउने र सामाजिक कार्यमा नेपाललाई विश्वभर चिनाउने मेरो योजना छ ।”  नेपालमा हाल ४ वटा डिष्ट्रिक रहेको र सबैबाट उल्लेख्य सहयोग र सद्भाब आफुप्रति रहेको बताउने बुर्लाकोटी लायन्स अभियानलाई नेपालमा सामाजिक सेवाको पर्यायको रुपमा स्थापित गरी छाड्ने अठोट आफुसँग रहेको बताउँछन् ।

अन्तराष्ट्रिय डाइरेक्टर पदका लागि नेपालबाट बुर्लाकोटी बाहेक डिष्ट्रिक ३२५ ए १ बाट खगेन्द्र सिटौला समेत छन् भने, हालसम्म उक्त पदमा नेपालबाट सन्जय खेतान मात्र पुग्न सकेका छन् । स्मरण रहोस् हालको असहज परिस्थितीमा समेत लायन्सले आफ्नो सामाजिक धर्म विभिन्न कार्य मार्फत निभाउदै आइरहेको छ ।

हालैमात्र पोखरामा १०० बेडको कोरोना अस्पताल समेत लायन्स क्लब डिष्ट्रिक ३२५ बि १ को सहयोगमा सम्पन्न भई संचालनमा आइरहेको छ ।