काठमाडौँ । सरकारले लामो दुरीका सार्वजनिक सवारी साधनमा बढाएको भाडा दर सार्वजनिक गरेको छ ।

सरकारले लामो दुरीका सार्वजनिक सवारी साधनमा २० देखि २८ प्रतिशतसम्म भाडा बढाएको हो ।

नयाँ भाडा दरअनुसार यात्रुबाहक सवारी साधनको भाडा २८ प्रतिशत, पहाडमा चल्ने मालवाहक सवारी साधनमा २० प्रतिशत र तराईमा चल्ने मालबाहक सवारी साधनमा २६ प्रतिशत भाडा बढेको छ । बढेको भाडा दर दुई वा दुईभन्दा धेरै प्रदेश भएर चल्ने लामो दुरीका गाडीमा लागू हुनेछ । प्रदेशभित्र चल्ने गाडीको भाडा प्रदेश सरकारले नै तोक्ने अधिकार पाएको छ ।

२०७५ सालको असोजमा बढाएयता भाडा समायोजन नगरिएको र योबीचमा इन्धन तथा अन्य पाटपुर्जाको समेत मूल्य धेरै नै बढेकाले यस पटक गाडी भाडा बढाएको बताइएको छ ।

हरेक वर्ष हुनुपर्ने भाडा समायोजन लामो समयसम्म हुन नसकेकाले समायोजन गरिएको भाडा वृद्धि धेरै देखिएको नेपाल यातायात व्यवसायी राष्ट्रिय महासंघले जनाएको छ ।

यातायात मन्त्रालयले गएको आइतबार अर्थात् असार २७ गते नै भाडा बढाउन विभागलाई सहमति दिएको थियो । विभागले गएको मङ्गलबार (असार २९ गते) देखि नै लागू हुने गरी नयाँ भाडा दर सार्वजनिक गरेको थियो ।
यस्तो छ भाडा दर–

[wp-embedder-pack width=”100%” height=”400px” download=”all” download-text=”” attachment_id=”78751″ /]