राष्ट्रिय जनगणना–२०७८ को प्रारम्भिक नतिजा सार्वजनिक भएको छ ।

केन्द्रीय तथ्यांक विभागले आज सार्वजनिक गरेको नतिजाअनुसार नेपालको जनसंख्या २ करोड ९१ लाख ९२ हजार चार सय ८० पुगेको छ ।

नेपालमा पुरुषको तुलनामा महिलाको संख्या धेरै छ । जसमा पुरुषको जनसंख्या १ करोड ४२ लाख ९१ हजार ३ सय ११ र महिलाको जनसंख्या १ करोड ४९ लाख १ हजार १ सय ६९ छ । प्रारम्भिक विवरणअनुसार विदेशमा रहेका नेपालीको जनसंख्या २१ लाख ६९ हजार ४ सय ७८ र नेपालमा जम्मा परिवार संख्या ६७ लाख ६१ हजार ५९ जना रहेको छ ।

जनसंख्याको वृद्धिदर शून्य दशमलव ९३ प्रतिशत रहेको छ । यो पछिल्लो ८ दशकयताकै कम वृद्धिदर रहेको विभागले जनाएको छ ।

यसैबीच जनसंख्याको वृद्धिदर १० वर्षमा सबैभन्दा बढी लुम्बिनीमा १४ प्रतिशतले बढेको तथ्यांकले देखाएको छ । यस्तै, मधेश प्रदेशमा १३ प्रतिशतले बढेको छ भने सबैभन्दा कम गण्डकी प्रदेशमा जनसंख्या वृद्धि भएको छ ।

अन्य प्रदेशमा १० प्रतिशतभन्दा कमले जनसंख्या वृद्धि भएको जनगणनाको प्रारम्भिक तथ्यांकले देखाएको छ ।

विभागले यो वर्ष दुई चरण गरेर देशको जनगणना सम्पन्न गरेको थियो । यसका लागि ५० हजारभन्दा बढी जनशक्ति खटाइएको थियो ।

हेर्नुहोस् प्रारम्भिक विवरणको पूर्ण पाठः

[wp-embedder-pack width=”100%” height=”400px” download=”all” download-text=”” attachment_id=”90924″ /]