पोखरा। नेकपा एमाले पोखरा -१५ ले घर-घरमा प्रतिवद्धता पत्र बाँड्दै पाँच वर्ष भित्र सबै वाचा पूरा गर्ने जनाएको छ।
वडावासीसँग भेटघाट तथा घरदैलो कार्यक्रमको सिलसिलामा पुगेको पाँचै जना उम्मेदवारसहितको टोलीले जनतासँग भोट माग्दै प्रतिवद्धता पत्रमा उल्लेख गरिएका वुँदा आवश्यकता र औचित्यका आधारमा पाँच वर्ष भित्र पूरा गर्ने वाचा गरेको हो ।
टोलीले आज वडाको कान्तिपुर टोल, फलेपाटन, ज्ञानमार्ग, जाल्पा मार्ग र कोलपाटन क्षेत्रमा घरदैलो तथा भेटघाट कार्यक्रम सम्पन्न गरेको छ। जनता भेटघाटका लागि घर-घरमा पुगेका उम्मेदवारसहितको टोलीलाई टोलवासीले न्यानो आतिथ्यताका साथ भारी मतले जिताउने वचन दिएका छन्।
घरदैलोकै क्रममा अध्यक्ष पदका उम्मेदवार तोरण बानियाँलाई कतिपय वृद्धा आमाहरुले शिरमा हात राख्दै ‘पहिलेदेखि नै सहयोग गर्दै आइरहनुभएकोमा अब फेरी धेरै मतले विजयी भइ जनताको मनमा बस्ने गरी काम गर्नु’ भन्दै आशिर्वाद दिएका थिए। आशिर्वाद लिँदै बानियाँसहित उम्मेदवारको टोलीले निर्वाचित भएपछि जनताले छिट्टै महशुस गर्ने गरी काम गर्न उत्सुक भएको प्रतिक्रिया दिए।
घरदैलो तथा भेटघाटकै क्रममा केहीले त ’हाम्रो भोट हजुरहरुलाई नै हो, दुःख पाउनु पर्ने थिएन’ भनेका थिए। जवाफमा बानियाँले ’यसरी भेटघाट गर्दा आत्मियता बढ्ने बताए।’
स्थानीय तहको चुनावको मिती नजिकिंदै जाँदा यतिबेला नेकपा एमाले पोखरा-१५ ले घरदैलो तथा भेटघाट कार्यक्रमलाई सक्रियताका साथ अघि बढाएको छ। भेटघाटका क्रममा वडावासी जनताले देखाएको हार्दिकता र आत्मियता देख्दा निर्वाचित भएर छिटो जनताको सेवामा लाग्न आतुर भएको अन्य उम्मेदवारहरुले बताएका छन्।
सम्बन्धित खबर
फेदीखोलामा राष्ट्रिय कोदो दिवस, स्थानीय परिकार र खेती प्रवर्द्धनमा जोड
शिक्षकको जागिर छाडेर २२० रोपनीमा कागती खेती
अवैध रुपमा नदीजन्य पदार्थ ओसारपसार गरिरहेको ट्याक्टर कारबाहीमा, ३० हजार रुपैयाँ जरिवाना
स्याङ्जामा पुँजीगत बजेट खर्च ६८ प्रतिशतमा सीमित
पुतलीबजारका केही वडामा धानमा खपटे किराको प्रकोप
गोपालमान श्रेष्ठको निधनमा पुतलीबजारमा बुधबार सार्वजनिक बिदा
यो पनि पढौँ
प्रतिभाका सबिन देशभरमै तेस्रो, गण्डकीमा पहिलो
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
राष्ट्रिय सभामा पनि मागियाे प्रधानमन्त्री र गृहमन्त्रीको राजीनामा
देशभरका अस्पतालमा आकस्मिक बाहेकका सेवा ठप्प, बिरामी मर्कामा