बेलायतको प्रतिष्ठित University of Sunderland बाट सम्बन्धन लिएर नेपाल सरकारको अनुमतिमा विश्वस्तरिय बेलायतको शिक्षा पढाउँदै आइरहेको कलेज हो ‘आईएसएमटी कलेज’ । ISMT Group अन्तर्गत नेपालको राजधानीसहित प्रमुख शहरहरु चितवन, पोखरा, विराटनगर र बुटवलमा कलेजहरु सञ्चालनमा छन् ।

पोखरा स्थित ISMT College, Pokhara मा BHM कार्यक्रम सञ्चालनमा आएको छ । पोखरा वडा नं. १५ अन्नपूर्ण मार्गमा सन् २०१८ मा स्थापित कलेजले BSc. IT (Computer Systems Engineering) र BBA  कार्यक्रम सञ्चालन गरिरहेकोमा थप कोर्स सञ्चालनमा ल्याएको हो ।

ISMT College Pokhara ले विश्व बजारमा नै Hospitality क्षेत्रका दक्ष कामदारको माग बढ्दै गईरहेको अवस्था र प्राकृतिक सुन्दरताले भरिपूर्ण नेपालको पर्यटकीय तथा होटल व्यवसायको प्रचुर सम्भावना भएको यस क्षेत्रमा दक्ष जनशक्तिको अभावलाई मध्यनजर गदैै यस कलेजले BHM कोर्ष सञ्चालनमा ल्याएको जनाएको छ ।

ISMT College Pokhara मा BHM अध्ययन गरिसकेपछि विद्यार्थीहरु विश्वस्तरीय सर्टिफिकेट लिएर, व्यवहारिक दक्षतासहित होटल, टुरिजम सेक्टर, एयरलाईन्स लगायत विभिन्न हस्पिटालिटी तथा कर्पोरेट सेक्टरमा काम गर्न सक्षम भएर निस्कने कलेजको विश्वास छ ।