नेकपा (एमाले) का नेता दयालबहादुर शाहीले कांग्रेस र माओवादी मिलेकोमा आफूलाई कुनै आपत्ति नरहेको बताएका छन् ।

जनता जान्न चाहन्छ कार्यक्रममा पत्रकार ऋषि धमलासँग संवाद गर्दै उनले दुई पार्टी नमिलेको खण्डमा ‘कांग्रेस हाफ, माओवादी पत्तासाफ’ हुने भएकाले यी दुई दलबीच मिल्नुको विकल्प नरहेको उनले बताए ।

माओवादीले युद्ध सुरु गर्दै गर्दै त्यो पार्टीको प्रमुख प्रचण्ड र तत्कालीन प्रधानमन्त्री देउवानै रहेको स्मरण गराउँदै उनले अहिले मिल्ने माओवादी–कांग्रेस त्यहीबेला मिलेको भए १८ हजारले मर्न नपर्ने उनले टिप्पणी गरे ।

‘अहिले पनि उहाँहरु मिलेकोमा हामीलाई कुनै आपत्ति छैन, मिल्नुस् । तपाईँहरुको मिलनको विन्दुनै एमाले एमाले हो । एमालेप्रतिको तपाईँहरुको त्रास । बढारिनुहु्न्छ उहाँ (प्रचण्ड), कांग्रेस हाफ माओवादी पत्तासाफ हुन्छ नमिले । त्यस कारण मिल्नुभएको छ, मिल्नुस्,’– उनले भने ।