पोखरा । विद्यार्थीहरूको पढाई सँगसँगै विभिन्न किसिमका उत्प्रेरणात्मक कार्यक्रमबाट विद्यार्थीहरूको मनोबल बढाउने उद्देश्यले पोखराको नदीपुरमा अवस्थित प्रतिभा माध्यमिक विद्यालयले कक्षा १० मा अध्ययनरत विद्यार्थीहरू र अभिभावकहरूसहितको उत्प्रेरणात्मक कार्यक्रम सम्पन्न गर्‍यो ।

मोटिभेसनल स्पीकर डा. रविन कटुवालले सहजीकरण गर्दै पढाइको महत्व मानिसले बुझ्न सक्यो भने संसारमा सबैभन्दा शक्तिशाली बस्तु भनेको ज्ञान वा शिक्षा रहेको बताए ।

कार्यक्रमको अध्यक्षता समेत गरेका विद्यालयका प्राचार्य किरण सापकोटाले कार्यक्रमको औचित्यको बारेमा प्रकाश पार्दै छोराछोरीले बाबाआमाको आँखामा हेरर देखेको सपना पछ्याउन मेहनत गर्नुपर्ने बताए ।

कमजोर विद्यार्थीले अबका बाँकी दिनहरूमा आफ्नो पढाइमा जसले बढी स्तरोन्नति गर्छ त्यस विद्यार्थीलाई पनि एसईई नतिजाका आधारमा प्रथम सरह नै अवार्ड दिने वचनवद्धता प्रकट गरे ।

विद्यालयका सह–प्राचार्य प्रदीप खनालले सञ्चालन गरेको कार्यक्रममा कक्षा दशको तेस्रो त्रैमासिक परीक्षाको नतिजा प्रकाशन तथा वितरणसमेत भएको विद्यालयका नेपाली विभागका प्रमुख विष्णुप्रसाद पौडेलले जानकारी दिए ।