स्याङ्जाको वालिङ् नगरपालिका -१३ बायाँटारी स्थित प्रहरी चौकी थुमपोखराका इन्चार्ज प्रहरी सहायक निरीक्षक मनोज कुमार सिंह माथी गस्ती जाँदा कुटपिट भएको छ ।
शनिबार राती बायाँटारी स्थित झलुङ्गे बजारमा मादक पदार्थ सेवन गरि होहल्ला गर्दै साथी साथी बिच झगडा तथा कुटपिट गरेर बसेका युवाहरूलाई सम्झाई बुझाई गर्ने क्रममा ३ जनाको प्रहरी टोलीसहित गस्तीमा रहेका सिंहलाई युवाहरुले अन्धाधुन्ध कुटपिट गरि घाइते बनाएको जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायब उपरीक्षक इन्द्रबहादुर रानाले जानकारी दिए ।
कुटपिट गर्ने वालिङ् नगरपालिका -१२ कोखेका २५ वर्षीय काजी गुरुङ र २४ वर्षीय सुदिप गुरुङलाई पक्राउ गरिएको डिएसपी रानाले बताए । उनले टाउकोमा चोट लागि घाइते भएका चौकी इन्चार्ज सिंहको पोखरा स्थित गण्डकी मेडिकल कलेजमा उपचार भइरहेको जानकारी दिए ।
उक्त घटनामा संलग्न भनिएका अर्का युवा वालिङ् -१२ कोखेका २८ वर्षीय रविन गुरुङ पनि घाइते भएको र उपचार भइरहेको डिएसपी रानाले बताए ।
सुरक्षाको लागि खटिएका प्रहरी अधिकृतलाई नै कुटपिट गरि गम्भीर घाइते बनाएका दुई युवालाई नियन्त्रणमा लिई आवश्यक अनुसन्धान भइरहेको प्रहरीले जनाएको छ ।
सम्बन्धित खबर
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
नेपाल पत्रकार महासंघ स्याङ्जाद्वारा तीन पूर्व अध्यक्षलाई सम्मान
रास्वपा स्याङ्जामा नेतृत्व चयन, सभापतिमा पुनः रुक्मागत भण्डारी
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु