रोट्रयाक्ट क्लब अफ न्यूरोड पोखराको १२ औं पदस्थापन कार्यक्रम सम्पन्न भएको छ । रोट्रयाक्ट डिष्ट्रिक्ट ३२९२ अन्तर्गत आबद्ध क्लबले १२औं अध्यक्षको रुपमा रोटा वर्ष २०२४/२५ का लागि श्रीनाथ वाग्ले चयन गरेको छ ।

कार्यक्रममा प्रमुख अतिथि डिष्ट्रिक्ट रोट्रयाक्ट प्रतिनिधि(डीआरआर ) ३२९२ विक्रम क्षेत्रीले आफू पनि रोट्रयाक्टमा धेरै वर्षबाट लागेको र रोट्रयाक्टमा लागेको मान्छे कुनैपनि कुराले पछि नपरेको बताए ।

 विशेष अतिथि रोटरी क्लब अफ पोखरा न्यूरोडका दिपेन्द्र शर्माले युवाहरु सामाजिक कार्यमा शुद्ध चित्तका साथ लाग्नु आफैमा राम्रो काम भएको र आउने दिनमा आफ्नो साथ रहने बताए ।

रोट्रयाक्ट क्लब अफ न्यूरोड पोखराले ११ कार्यकाल पूरा गरेर हाल आफ्नो १२ औं वर्ष सेवामा चलिरहेको छ। अहिले ८० जना भन्दा बढी सक्रिय सदस्यहरू संलग्न छन् । क्लबमा ६ जना नयाँ सदस्य पनि भित्र्याइएको छ ।

कार्यक्रमको समापन सत्रमा आफू पदस्थापित भइसकेपछि अध्यक्ष वाग्लेले १५ सदस्यसहितको बोर्ड अफ डिरेक्टरहरु चयन गरेका छन् ।

अध्यक्ष श्रीनाथ वाग्लेको टिममा निवर्तमान अध्यक्ष सुनिल पराजुली, उपाध्यक्ष शिवानी छेत्री र भरत रानाभाट, सचिवमा विजय सुवेदी, कोषाध्यक्षमा विकास सुनार, सहसचिवमा सागर पौडेल, सहकोषाध्यक्षमा बिनय कार्की, क्लब एड्मिनिस्ट्रेसन चेयरमा अच्युत पराजुली, सर्ज-एट-आम्समा प्रजित खनाल, रोटरी फाउण्डेशन चेयरमा बेन गौर, प्रोफेसनल डेभलपमेन्ट चेयरमा अन्गना सुवेदी, मेम्बरशीप चेयरमा श्रद्धा रेग्मी, सर्भिस प्रोजेक्ट चेयरमा सदिक्षा पोख्रेल, पब्लिक ईमेज चेयरमा आशिष पुरी र ईन्टरनेशनल सर्भिस चियरमा विक्रम शाही ठकुरी चयन गरिएकाे छ ।