पोखरा । नेपाल रेडक्रस सोसाइटी, पोखरा १० उपशाखा अन्तर्गत लैंगिक तथा सामाजिक समावेशीकरण उपसमितिको आयोजनामा शुक्रबार भएको स्वास्थ्य परामर्श तथा पाठेघरको मुखको क्यान्सर सम्बन्धी (भीआईए) शिविरबाट करिब एक सय महिला लाभान्वित भएका छन् ।
पोखरा नागढुंगा स्थित चरक मेमोरियल हस्पिटलले चिकित्सकीय सुविधा प्रदान गरेको उक्त शिविर शहरी स्वास्थ्य केन्द्र वडा नं. १० को समन्वय र राम मन्दिर महिला समूहको विशेष सहयोगमा सञ्चालन भएको कार्यक्रमकी संयोजक एवं लैंगिक तथा सामाजिक समावेशीकरण उपसमिति संयोजक लेखमाया पुनले जानकारी दिइन् ।
कार्यक्रमका प्रमुख अतिथि पोखरा वडा नं. १० का अध्यक्ष राजेश गुरुङले वडाले गर्नुपर्ने काम रेडक्रस सोसाइटीले गरेकोमा आभार व्यक्त गर्दै शिविर प्रभावकारी भएको बताए ।
कार्यक्रममा विशेष अतिथि नेपाल रेडक्रस सोसाइटी कास्कीका कार्यवाहक मन्त्री रमा कोइराला लगायतले बोलेका थिए ।
चरक हस्पिटलबाट स्त्रीरोग विशेषज्ञ डा. विष्णु पालिखेको नेतृत्वमा चिकित्सकीय टोली शिविरमा खटिएको हस्पिटलका पिआरओ शोभित सुवेदीले जानकारी दिए ।
जाँचका क्रममा २ जनाको भिआइए टेस्ट पोजिटिभ आएको, केहीका पाठेघरमा मासु पलाएको, आङ खसेको पाइएको कार्यक्रम संयोजक पुनले जानकारी दिइन् ।
सोसाइटीका कार्यवाहक सभापति पवित्रादेवी गुरुङको अध्यक्षतामा भएको कार्यक्रममा सुष्मा पौडेलले स्वागत र सचिव जनुका थापा अधिकारीले सञ्चालन गरेका थिए ।
सम्बन्धित खबर
स्याङ्जामा आर्थिक गणनाको आधार तयार, नयाँ कार्यालयबाट तथ्यांक संकलन सुरु
ग्रामीण सडकमा ट्राफिक सचेतना अभियान सुरु, दुर्घटना घटाउने लक्ष्य
भीरकोटमा निःशुल्क स्वास्थ्य शिविर, विशेषज्ञ सेवा एकै ठाउँमा
गण्डकी प्रदेश सभाको अधिवेशन चैत ८ गते आह्वान
६ वर्षको सजाय बाँकी रहेका फरार कसूरदार पक्राउ
भीरकोटमा बालमैत्री दिवस : उत्कृष्ट शिक्षक र विद्यार्थी सम्मानित
यो पनि पढौँ
पूर्व मेयर थापाको निधनमा पोखरा महानगरले दियो शोक बिदा
मनकामना दर्शन गरी फर्केको ईभी माइक्रो गोरखामा दुर्घटना, ७ जनाको मृत्यु
रास्वपाका नवनिर्वाचित दुई सांसदविरुद्ध सर्वोच्चमा रिट
राजस्व अनुसन्धान विभागका तत्कालीन महानिर्देशक झलकराम अधिकारीसहित तीन जनाविरुद्ध आरोपपत्र दायर