पोखरा । राष्ट्रपति कार्यालयको खण्डहर भवन बाहिर नवनियुक्त तीन मन्त्रीहरुले सोमबार शपथ लिएका छन् । प्रधानमन्त्री सुशीला कार्कीको उपस्थितीमा राष्ट्रपति रामचन्द्र पौडेलबाट शपथ लिएका हुन् ।

मन्त्रीहरु अर्थमन्त्री रामेश्वर खनाल, उर्जा, भौतिक योजान र सहरी विकासमन्त्री कुलमान घिसिङ र गृह र कानुनमन्त्री ओमप्रकाश अर्यालको शपथ भएको हो । घिसिङलाई तीन र अर्याललाई दुई मन्त्रालयको जिम्मेवारी दिइएको छ ।

सभामुख र उपसभामुख अनुपस्थित, राष्ट्रियसभाका अध्यक्ष सहभागी, पूर्वप्रधानमन्त्री बाबुराम भट्टराई मात्रै

नवनियुक्त तीन मन्त्रीको शपथ ग्रहण समारोहमा सभामुख देवराज घिमिरे र उपसभामुख इन्दिरा राना सहभागी भएनन्।

सोमबार शीतलनिवासमा रामेश्वर खनालले अर्थमन्त्री, कुलमान घिुसिङले ऊर्जा मन्त्री र ओमप्रकाश अर्यालले गृह र कानुन मन्त्रीको शपथ लिएका थिए।

शपथ ग्रहण समारोहमा राष्ट्रपति रामचन्द्र पौडेल, उपराष्ट्रपति रामसहायप्रसाद यादव, राष्ट्रिय सभाका अध्यक्ष नारायणप्रसाद दाहाल लगायत उच्च पदस्थहरूको सहभागीता थियो।

यो समारोहमा सभामुख घिमिरे र उपसभामुख राना सहभागी नभएपछि मानिसहरूले चासो व्यक्त गरेका छन्।

अर्को प्रतिनिधि सभा गठन भएर नयाँ सभामुख र उपसभामुख निर्वाचित नहुँदासम्म घिमिरे र रानाको पद यथावत रहने व्यवस्था छ। त्यसकारण प्रधानमन्त्री र मन्त्रीहरूको शपथ ग्रहणमा सभामुख र उपसभामुख उपस्थिति हुने, बधाई, शुभकामना दिने प्रचलन छ। सभामुख घिमिरेको सचिवालयले घिमिरे अस्वस्थ भएको जानकारी दिएको छ ।

प्रधानमन्त्री सुशील कार्कीको शपथ ग्रहणमा पूर्वप्रधानमन्त्री बाबुराम भट्टराई मात्रै सहभागी थिए। सांसदका रूपमा सुमना श्रेष्ठ मात्रै उपस्थित थिइन्।