थलापति विजय भनेर चिनिने दक्षिण भारतीय चलचित्र अभिनेता जोसेफ विजय चन्द्रशेखरको राजनीतिक र्‍यालीमा सहभागी भएकाहरूबीच भागदौड मच्चिँदा मृत्यु हुनेको संख्या ३९ पुगेको  छ ।

अभिनेताबाट राजनीतिज्ञ बनेका विजयलाई हेर्न ठूलो भिड जम्मा भएका बेला मच्चिएको भागदौडमा परी मृत्यु हुनेमध्ये अधिकांश बालबालिका र महिला छन् ।

विजयले मञ्चबाट ९ वर्षकी बालिका हराएको र खोजीका लागि सहयोग गर्न आग्रह गरेलगत्तै भागदौड मच्चिएको थियो ।

घटनामा ५८ जना घाइते भएका र उनीहरूमध्ये अधिकांशको अवस्था गम्भीर रहेको भारतीय सञ्चारमाध्यमहरूले उल्लेख गरेका छन् ।

तमिलनाडुका मुख्यमन्त्री एम.के. स्टालिनले मृतकका परिवारलाई १०–१० लाख रुपैयाँ क्षतिपूर्ति दिने घोषणा गरेका छन् ।

साथै, घटनाको जाँचका लागि सेवानिवृत्त उच्च अदालतका न्यायाधीश अरुणा जगदीशनको अध्यक्षतामा जाँच सदस्यीय आयोग गठन गरिएको छ । घटनाप्रति भारतका राष्ट्रपति द्रौपदी मुर्मु, प्रधानमन्त्री नरेन्द्र मोदीलगायतले दुःख व्यक्त गरेका छन् ।