स्याङ्जाको भीरकोट नगरपालिका -१ प्रगतिटोलस्थित भीरकोट भिल्ला होटलमा गए राती धारिलो हतियार प्रहार हुँदा एक जना घाइते भएका छन् ।
धारिलो हतियार प्रहारबाट वालिङ् नगरपालिका -१४ का सुवर्ण लुइँटेल घाइते भएका हुन् । घाइते लुइँटेललाई तत्काल प्राथमिक उपचार गरी थप उपचारका लागि चरक मेमोरियल हस्पिटल पोखरा पठाइएको र हाल हस्पिटलमै उनको उपचार भइरहेको स्याङ्जाका प्रहरी प्रमुख प्रहरी उपरीक्षक दधिराम न्यौपानेले जानकारी दिए ।
प्रारम्भिक अनुसन्धानका क्रममा लुइँटेललाई धारिलो हतियारले आक्रमण गरेर बिहानैदेखि फरार रहेका भीरकोट -२ का अनिल गुरुङ बुधबार दिउँसो पक्राउ परेका छन् । गुरुङलाई पक्राउ गरिसकेपछि आवश्यक अनुसन्धान अगाडि बढाइएको एसपी न्यौपानेले बताए ।
यसअघि घटनाक्रम बुझ्नका लागि बिहानै घटनास्थलमा उपस्थित रहेका पाँच जनालाई नियन्त्रणमा लिइएको जिल्ला प्रहरी कार्यालय स्याङ्जाले जनाएको छ ।
अपडेट: पक्राउ परेका गुरुङमाथि पीडितको किटानी जाहेरी पश्चात् ज्यान मार्ने उद्योगको अभियोगमा मुद्दा दर्ता गरी थप अनुसन्धान अघि बढाइएको प्रहरी नायब उपरीक्षक तथा सूचना अधिकारी प्रसन्न राज चोधरीले जानकारी दिए ।
सम्बन्धित खबर
स्याङ्जामा एक हजार ८५९ अस्थायी मतदाता
निर्वाचन र होलीलाई शान्तिपूर्ण बनाउन स्याङजामा प्रशासनको अपिल
चापाकोटमा निर्वाचन सुरक्षाबारे उच्चस्तरीय छलफल, शान्तिपूर्ण मतदानमा जोड
स्याङ्जामा प्रतिनिधिसभा निर्वाचनका लागि करिब दुई हजार कर्मचारी खटाइँदै
वालिङ अस्पतालमा पहिलोपटक शव राख्ने फ्रिज सुविधा थपियो
स्याङ्जामा चुनावी ‘ड्राइ डे’ लागू, नतिजा नआएसम्म मदिरा बिक्रीवितरण तथा सेवनमा अस्थायी रोक
यो पनि पढौँ
धादिङ बस दुर्घटना: १९ मृतकको पहिचान खुल्यो, मृतक तीन विदेशी
धादिङमा बस दुर्घटनाः मृतकको सङ्ख्या १९ पुग्यो, २२ बढी घाइते
अटोवेजले भित्र्यायो ‘युरो–६’ लक्जरी बस, स्विफ्ट होलिडेजद्वारा ६ बस सञ्चालनमा [तस्वीरहरू]
यूएईमा इरानको आक्रमणमा परेर एक नेपालीसहित ३ जनाको मृत्यु