धादिङ घर भई पोखरा बस्दै आएकाको संख्या उल्लेख्य छ । यसैलाई मध्येनजर गर्दै धादिङको त्रिपुरासुन्दरी गाउँपालिकाले पोखरामा बस्ने आफ्नो गाउँबासीका लागि सामाजिक सुरक्षा भत्ता लाभग्राही परिचयपत्र नविकरणको व्यवस्था मिलाएको छ ।

गाउँपालिकाका सूचना अधिकारी सुरेश रिजालका अनुसार चितवन र पोखरामा घुम्ती शिवर आयोजना गरिएको हो ।

पोखरा महानगरपालिका वडा नं. ५ को कार्यालयसँग समन्वय गरेर कार्यालय परिसर, मालेपाटनमा सेवा सञ्चालन हुने भएको हो । बिहान ८ बजेदेखि अपरान्ह ५ बजेसम्म सेवा लिन सकिने गरी व्यवस्थापन गरिएको गाउँपालिकाले जनाएको छ ।

भोलिको घुम्ती शिविरका लागि यतिबेला गाउँपालिकाका कर्मचारी तथा वडाअध्यक्षहरु पोखरा आइसकेको त्रिपुरासुन्दरी गाउँपालिका वडा नंं. ३ का अध्यक्ष कमलबहादुर थापाले गण्डकन्यूलाई जानकारी दिए ।

चितवनको रत्ननगर नगरपालिका वडा नं. २, टाँडीमा १२ गते सम्पन्न भइसकेको छ ।

[सम्पादकीय नोटः समाचार सम्पादन गरिएको । वडा नं. ९ लाई वडा नं. ५ मा परिवर्तन गरिएको ।]