लमजुङको दोर्दी गाउँपालिकामा पार्किङमा राखिएको जिप स्टार्ट गरी निकाल्ने क्रममा गाडीले च्यापिँदा चालकको मृत्यु भएको छ।
मंगलबार बिहान करिब ११ः२० बजे दोर्दी गाउँपालिका–४ लामिडाँडा स्थित भित्री सडकखण्डमा रहेको आमा समूह भवन नजिक ओट हालेर पार्किङ गरिएको ग १ ज ७०९२ नम्बरको बोलेरो जिप स्टार्ट गरी निकाल्ने क्रममा चालक कुमार गुरुङ गम्भीर घाइते भएका थिए।
जिल्ला प्रहरी कार्यालय लमजुङका अनुसार दोर्दी गाउँपालिका–४ ठुलाखेत बस्ने २९ वर्षीय गुरुङले जिप स्टार्ट गरेर ओटबाट निकाल्ने क्रममा गाडी अचानक गुड्दा जिपको पछाडिको भागले उनलाई च्यापेको थियो। घटनापछि स्थानीयले उनलाई तत्काल सोही गाडीमा राखेर उपचारका लागि प्रदेश अस्पताल लमजुङ पुर्याएका थिए।
छाती र दुवै हातमा गम्भीर चोट लागेका गुरुङलाई अस्पताल पुर्याएर उपचारका लागि जाँच गर्दा दिउँसो १ः०५ बजे चिकित्सकले मृत घोषणा गरेका थिए।
घटनास्थलमा प्रहरी सहायक निरीक्षक रेखबहादुर थापाको कमान्डमा प्रहरी टोली खटिएको थियो। घटनास्थल प्रहरी चौकी श्रीमञ्याङबाट करिब ४ किलोमिटर उत्तर–पूर्वमा पर्छ। प्रहरीले घटनाबारे थप अनुसन्धान गरिरहेको जनाएको छ।
सम्बन्धित खबर
ब्राउन सुगरसहित स्याङ्जाबाट दुई जना पक्राउ
काठमाडौँ– २ र ९ लाई प्राथमिकतामा राख्दै आशिकाले गरिन् स्वतन्त्र उम्मेदवारी घोषणा
हृदयेन्द्रलाई प्रधानमन्त्रीको सुझाव : कला क्षेत्रमा लागे राम्रै हुन्छ, राजा हुने सपना देखे जिन्दगी जाला
सीएम स्वीमिङ पुल अब नयाँ व्यवस्थापनमा, स्तरोन्नतिसँगै बन्यो ‘पोखरा सेन्ट्रल ओयसिस’
पोखरामा सर्वाधिक पुरस्कार राशिको सेभेन ए साइड फुटबल हुँदै
प्रधानमन्त्री ओली पोखरामा भोलि
यो पनि पढौँ
कास्कीका ३ क्षेत्रमै अग्रता बढाउँदै रास्वपा, पुराना दललाई ‘कोर एरिया’मै धक्का
सुमनाले भनिन्- गोली कसले चलायो र सिंहदरबार कसले जलायो, जनताले थाहा पाउनुपर्यो
अहिले खण्डग्रास चन्द्रग्रहण लाग्दै, हेर्न हुन्छ कि हुँदैन ?
लेकसाइडमा भेटिएको शंकास्पद झोलामा भेटेरिनरीको सामान