पृथ्वीराजमार्ग अन्तर्गत तनहुँको शुक्लागण्डकी-२ स्थित दुलेगौंडा-कोत्रे खण्डको गाँछेपानीमा शनिवार भएको सवारी दुर्घटनामा दुई जनाको मृत्यु भएको छ ।

पोखराबाट काठमाडौँतर्फ जाँदै गरेको बा ११ च ७३६५ नम्बरको टोयोटा भ्यानले ठूलो डिभाइडर नाघेर विपरित दिशातर्फ आउँदै गरेको ग १९ प २९८८ स्कुटरलाई ठक्कर दिँदा स्कुटरमा सवार दुई जनाको मृत्यु भएको हो ।

मृत्यु हुनेमा स्कुटर चालक पाँचथर घर भई हाल गाछेपानीस्थित श्री मुक्तिनाथ शुक्लागण्डकी च्यवनधाममा पूजारीको रुपमा कार्यरत ३० वर्षिय गणेश खतिवडा र गाछेपानी निवासी स्कुटरको पछाडी सवार ५५ वर्षिय कृष्ण बहादुर भुजेल रहेका छन् । खतिवडा विगत ४ वर्षदेखि च्यवनधाममा पूजारीको रुपमा कार्यरत थिए ।

खतिवडाको तनहुँ सेवा हस्पिटल, दुलेगौंडामा उपचारको क्रममा मृत्यु भएको इलाका प्रहरी कार्यालय बेलचौताराले जनाए छको । भुजेलको उपचारकै लागि पोखरा ल्याइएकोमा गण्डकी मेडिकल कलेजमा मृत्यु भएको हो ।

गाडी र गाडी चालक ललितपुरका ६३ वर्षिय कृष्ण बहादुर श्रेष्ठ प्रहरीको नियन्त्रणमा छन् । तीव्र गतिमा गुडेको गाडी ठूलो डिभाइडर नै क्रस गरेर स्कूटरलाई ठक्कर दिएको थियो ।