चोरी मुद्दामा अदालतबाट कैद सजाय तोकिएपछि लामो समयदेखि फरार रहेका एक व्यक्तिलाई स्याङ्जा प्रहरीले पक्राउ गरेको छ ।
स्याङ्जा जिल्ला अदालतको २०५७ जेठ २२ गतेको फैसलाले चोरी मुद्दामा एक महिना कैद सजाय तोकिएका यमबहादुर गुरुङलाई पक्राउ गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीले जानकारी दिए । उनका अनुसार गुरुङले यसअघि २५ दिन कैद भुक्तान गरिसकेका थिए भने पाँच दिन कैद भुक्तान गर्न बाँकी रहेको थियो ।
पुतलीबजार नगरपालिका–१० राङखोला स्थायी घर भएका ३९ वर्षीय गुरुङ हाल पुतलीबजार–१ मा बस्दै आएका थिए । उनलाई जिल्ला प्रहरी कार्यालय स्याङ्जाबाट खटिएको टोलीले बुधबार उनकै घरबाट पक्राउ गरेको प्रहरीले जनाएको छ ।
पक्राउ परेका गुरुङलाई बाँकी कैद सजाय भुक्तानका लागि स्याङ्जा जिल्ला अदालतमा पेश गरिएको जिल्ला प्रहरी कार्यालय स्याङ्जाले जनाएको छ ।
जिल्ला प्रहरी कार्यालय स्याङ्जाका सूचना अधिकारी तथा प्रहरी नायब उपरीक्षक अवस्थीका अनुसार अदालतबाट फैसला भई फरार रहेका प्रतिवादीहरूलाई पक्राउ गर्ने अभियानलाई निरन्तरता दिइएको छ ।
सम्बन्धित खबर
२५ वर्षअघि चोरी मुद्दामा सजाय तोकिएका फरार प्रतिवादी पक्राउ
स्याङ्जामा ट्राफिक प्रहरीको निगरानी कडा, सवारीका झल्लर र फोकस लाइट हटाइँदै
वालिङमा कृषि व्यवसाय विस्तार, दुई हजार किसानको आम्दानीमा टेवा
स्याङ्जामा तीन दिन निःशुल्क आँखा शिविर, मोतियाबिन्दुको शल्यक्रियासमेत गरिने
स्याङ्जामा अटो दुर्घटना हुँदा १८ महिनाको बालकसहित पाँच जना घाइते
दुई करोड अनुदान घट्दा बिरुवाका दर्जनौँ योजना प्रभावित
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
खगेन्द्र सुनारको क्षुद्र टिप्पणीप्रति रास्वपा प्रवक्ताले भनेः घरमा बोलाएको पाहुनालाई त्यस्तो टिप्पणी गर्नु गलत हो
फेवातालमा बेपत्ता युवकको शव फेला