स्याङ्जामा अवैध रूपमा बालुवा ओसारपसार गरिरहेका दुई ट्याक्टरलाई कारबाही गरिएको छ । दुवै ट्याक्टरलाई सम्बन्धित स्थानीय तहमा बुझाइएपछि कुल १३ हजार रुपैयाँ जरिवाना गरिएको हो ।
जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक रमेश दत्त अवस्थीका अनुसार बुधबार बिहान प्रहरी चौकी साँखरबाट खटिएको टोलीले चापाकोट नगरपालिका–७ रामघाटमा लु ३ त ९२४१ नम्बरको ट्याक्टरले बालुवा लोड गरी ओसारपसार गरिरहेको अवस्थामा नियन्त्रणमा लिएको थियो ।
आवश्यक कारबाहीका लागि चापाकोट नगरपालिकामा पठाइएको उक्त ट्याक्टरलाई १० हजार रुपैयाँ जरिवाना गरिएको छ ।
यसैगरी, गत शुक्रबार अस्थायी प्रहरी पोस्ट रामबाच्छाबाट खटिएको टोलीले वालिङ नगरपालिका–१ रामबाच्छास्थित सिद्धार्थ राजमार्गबाट ग ३ त ४९७२ नम्बरको ट्याक्टर नियन्त्रणमा लिएको थियो ।
अवैध रूपमा बालुवा ओसारपसार गरिरहेको अवस्थामा फेला परेको उक्त ट्याक्टरलाई आवश्यक कारबाहीका लागि वालिङ नगरपालिकामा पठाइएको थियो ।
नगरपालिकाले बुधबार उक्त ट्याक्टरलाई तीन हजार रुपैयाँ जरिवाना गरी छाडेको प्रहरीले जनाएको छ ।
सम्बन्धित खबर
कांग्रेस सभापति थापा आज स्याङ्जा आउने
अवैध रूपमा बालुवा ओसार्ने दुई ट्याक्टरलाई जरिवाना
बस र मोटरसाइकल ठोकिँदा एक जना घाइते
नागरिक जहाँ, सेवा त्यहीँ : पोखरामै पुगेर १६९ जनाको भत्ता नवीकरण
भोटेकोशी बाढीपछि सम्पर्कविहीन आठ जनाका परिवारबाट डीएनए नमुना
अवैध रूपमा कंक्रिट ओसारपसार गर्ने टिप्परलाई २५ हजार जरिवाना
यो पनि पढौँ
फेवातालमा कायकिङ गर्ने क्रममा २१ वर्षीय युवकको डुबेर मृत्यु
‘प्रभावकारी कक्षाकोठा तथा विद्यालय व्यवस्थापनः समावेशिता, सुरक्षा र नवीनता’ विषयक दुई दिवसीय गोष्ठी
याम्दी खोलामा डुबेर स्याङ्जाका २१ वर्षीय रोक्काको मृत्यु
कास्कीको अन्नपूर्णमा किम्रुङ खोला थुनियो, मोदीखोला हुँदै कालिगण्डकी दोभानसम्म बाढीको जोखिम