एजेन्सी-अमेरीकामा भएको सडक दुर्घटनामा तीन नेपालीको ज्यान गएको छ । स्थानीय समयानुसार मंगलबार राती मिजुरी राज्यमा एक सवारी साधनले अर्को सवारी साधनलाई ठक्कर दिँदा तीन नेपालीको ज्यान गएको हो ।
ट्राफिक सिग्नल अनुसार सवारी रोकिरहेका बेला पछाडिबाट ठक्कर दिँदा श्रद्धा खनाल ओझा, उनका बाबु गोविन्द खनाल र आमा शान्ता खनालको ज्यान गएको हो । श्रद्धाका श्रीमान् कार चालक प्रभास ओझा र छोरा सौर्य ओझा घाइते भएको त्यहाँको प्रहरीले जनाएको छ ।
जोप्लिन प्रहरी विभागका अनुसार सवारी खनाल दम्पतीका ज्वाई प्रभास ओझाले चलाएका थिए भने छोरी श्रद्धा खनाल अगाडि बसेकी थिइन् । गोपालको घटना स्थलमै ज्यान गएको तथा आमा र छोरीको उपचारको क्रममा अस्पतालमा ज्यान गएको जोप्लिन प्रहरी विभागका क्याप्टेन निकले सञ्चार माध्यमलार्इ बताएका छन् । घाइते प्रभासको अवस्था स्थिर रहेको छ भने उनका चार वर्षिय छोराको अवस्था भने चिन्ताजनक रहेको प्रहरीले बताएको छ । हाल दुवैको उपचार भइरहेको छ ।
प्रहरीको अनुसार ओझाको परीवार ब्ल्यु स्प्रिङसमा बस्दै आएका थिए । खनाल दम्पति छोरीलाई भेट्न र घुम्न ३ महिना अघि अमेरिका पुगेका थिए । ओझा २०१२ मा डिभी परेर अमेरिका गएको बताइएको छ । उनीहरु बिराटनगरका हुन् । पाँच वर्ष अघि उनीहरुको बिहे भएको थियो । घटना बारे थप अनुसन्धान भइरहेको प्रहरीले बताएको छ ।
सम्बन्धित खबर
शौचालय जाँदा लडेर एक महिलाको मृत्यु
भारतीय ब्रान्ड एमडिएच र एभरेस्टका ४ प्रकारका मसलाको आयातमा रोक
काठमाडौँमा प्रहरी जवान शंकास्पद अवस्थामा मृत फेला
कारको ठक्करबाट पत्रकार रोहिताको मृत्यु
आजको मौसम पूर्वानुमान
प्रधानमन्त्रीले जेठ ७ गते विश्वासको मत लिने
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग