गुल्मी –परराष्ट्रमन्त्री प्रदिपकुमार ज्ञवालीले सीमा विवादमा सरकार नझुक्ने बताएका छन् । आइतबार गुल्मीको गुल्मीदरवार गाउँपालिका वडा नम्वर २ मा बनेको नवनिर्मित स्वास्थ्य चौकी भवनको उद्घाटन गर्दै मन्त्री ज्ञवालीले सीमा विवादमा सरकार नझुक्ने बताएका हुन् ।
उनले छिमेकी दुई देश चीन र भारतसँग सुमधुर सम्बन्ध रहेको भन्दै पछिल्लो पटक भारतसँग देखिएको सीमा विवादबारे ऐतिहासिक तथ्यका आधारमा कुटनैतिक पहलबाट छलफल गरेर सरकार आफ्नो भुमिको रक्षा गर्न सक्षम रहेको बताए ।
‘राष्ट्रियता र राष्ट्रिय स्वाधिनताका सवालमा सरकार कसैसँग झुक्दैन, उच्चस्तरीय कुटनैतिक पहलबाट विवाद समाधान गरेर लिम्पियाधुरा लगायत मिचिएको नेपाली भूमि फिर्ता गरिने छ, सरकार यसमा आश्वास्त हुन नेपाली जनातालाई आग्रह गर्दछौं’ मन्त्री ज्ञवालीको भनाइ छ ।
फरक प्रसङ्गमा मन्त्री ज्ञवालीले देश विकास र समृद्धिको यात्रामा नेपाल कम्युनिष्ट पार्टी (नेकपा) र नेपाली काँग्रेस प्रतिद्वन्द्वी नभइ मिलेर अगाडि बढ्ने समेत बताए । ‘सरकार समृद्धिको यात्रामा अगाडि बढेको छ । यस यात्रामा काँग्रेस र नेकपा एक अर्काका प्रतिद्वन्द्वी नभइ मिलेर अगाडी बढ्नुपर्दछ’ ज्ञवालीको भनाइ छ ।
सम्बन्धित खबर
गण्डकी र बागमतीका प्रदेश प्रमुखबीच पोखरामा भेटवार्ता
भद्रगोलबीच रास्वपाका १३ सय ५२ प्रतिनिधिले गरेनन् मतदान
विद्यार्थीले आन्दोलन थालेपछि शिक्षामन्त्रीले भने– कक्षा १२ को नतिजामा त्रुटि छैन
‘प्रदेश खारेजको नीति लिएर रास्वपाले समाजमा राजनीतिक द्वन्द्वको बीउ नरोपोस्’
ग्रिनेड पड्किँदा सैनिक हवल्दारको मृत्यु, एक घाइते
रास्वपाका नेता, कार्यकर्ता महाधिवेशन नसकिँदै चितवन छाड्न थाले, महाधिवेन भद्रगोल
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
फेवातालमा बेपत्ता युवकको शव फेला
जेठी श्रीमती मार्दा कैद मिनाहा पाएका यामबहादुरले कान्छीलाई पनि बाँकी राखेनन्