पोखरा, १० वैशाख / कास्कीमा आर्थिक वर्ष २०७४/७५ को ९ महिनामा सवारी दुर्घटनाबाट ४३ जनाको ज्यान गएको छ ।दुर्घटनामा पछिल्लो समय ज्यान जानेको संख्या बढ्दै गएको जिल्ला ट्राफिक प्रहरी कार्यालय कास्कीको तथ्यांकमा देखिएको छ ।
श्रावण र भाद्रमा ४/४, असोज र कार्तिकमा २/२, मंसिरमा ३ , पौषमा ६ , माघमा ५ , फागुनमा ८ र चैत्रमा ९ जनाले सडक दुर्घटनामा ज्यान गुमाएका हुन्।
९ महिनामा ७० वटा सवारी साधन दुर्घटनामा परेका थिए। यी दुर्घटनामा ६० जना गम्भिर घाईते भएका थिए। ट्राफिक कार्यालयका अनुसार चालकको लापरबाहीले ५२ र सडकको कारण ४, तिव्र गति १४ गरी ७० वटा सवारी साधन दुर्घटनामा परेका हुन् ।
गत आर्थिक वर्ष २०७३ /२०७४ मा कास्कीमा सवारी दुर्घटनाबाट ५८ जनाले ज्यान गुमाएका थिए भने गम्भिर घाइतेको सख्या ७३ र सामान्य घाइतेको संख्या ३१ रहेको थियो । सो अवधिमा ९९ वटा सवारी साधन दुर्घटनामा परेका थिए ।
सवारी साधनको चाप, मापसे, तिब्र गतिका कारण दुर्घटना बढ्दै गएको जिल्ला ट्राफिक कार्यालय कास्कीका प्रमुख ऐन बहादुर मल्लले जानकारी दिए । उनले सडक संजालको पूर्वाधार विकास, ट्राफिक सचेतनालाई जोड दिन सके दुर्घटना कम हुने र ट्राफिक नियम उल्लंघन गर्दा मानवीय तथा भौतिक क्षति बढ्दै गएको बताए ।
मल्लले ट्राफिक जनचेतना प्रशिक्षण कार्यक्रम मार्फत विभिन्न स्कुलहरुमा विद्यार्थि, व्यवसायी, चालक, परिचालक एवं सर्वसाधारणलाई प्रशिक्षण दिदै आएको बताए ।
सम्बन्धित खबर
पुस ७ देखि अर्जुनचौपारीमा तीनदिने राष्ट्रपति रनिङ शिल्ड तथा शैक्षिक महोत्सव
रानीथुम्का आधारभूत विद्यालयमा महायज्ञ हुँदै
लामो समयदेखि फरार रहेका दुई प्रतिवादी पक्राउ
अर्जुनचौपारीमा एकदिने स्वास्थ्य शिविर
६ विद्यालयका एक सय १२ विद्यार्थीलाई न्यानो कपडा
प्रतिभा माविद्वारा खेलकुदका उत्कृष्टलाई पुरस्कार प्रदान
यो पनि पढौँ
पोखरा रंगशालामा पनि फ्लडलाइट जडान गरिनेछः कुलमान घिसिङ
पोखरेललाई फकाउँदै ओली- घच्चमच्च भएको भए सरी, विरोधीले लखेटेका बेला साथ खोजेको हुँ
एमालेका युवराज र अष्टलक्ष्मीसहित तीन शीर्ष नेताले सक्रिय राजनीति छाडे
नवनियुक्त ४ मन्त्रीले लिए शपथ, को हुन् नयाँ मन्त्री?