अश्विन दानी, गोरखा । बैदेशिक रोजगारमा गएका भिमसेन गाउँपालिका—७ बोर्लाङ, सातबिसेका कुमार राना आठ महिनादेखि साउदीको जेलमा छन् ।
रोजगारीका लागि साउदी गएका राना कम्पनीको गाडी चलाउँदा आठ महिना अघि दुर्घटनामा परेका थिए । सोही दुर्घटनामा साउदीका एक नागरिक घाइते भएपछि रानासँग ८० लाख नेपाली रुपैँया क्षतीपूर्ति दाबी गर्दै मुद्दा हालेपछि उनी जेल चलान भएका हुन् ।
साउदी अदालतले जरिवाना गरेको ८० लाख रुपैँया आफूहरुले मात्रै तिर्न नसक्ने भन्दै कुटनीतिक पहलबाट रिहा गरिदिन उनकी धर्मपत्नी अम्बिका रानाले अनुरोध गरेकी छिन् । ‘घरमा बुढा बा, आमा, म र तीन छोराछोरी मा छौँ’ रानाको धर्मपत्नी अम्बिकाले रुँदै भनिन् ‘घरको झिटिले खान नपुग्ने भएकाले उहाँ बिदेश जानु भएको हो । त्यति धेरै जरिवाना तिर्न हामी एक्लैले सक्दैनौँ । सबैले उहाँलाई नेपाल फर्काउन सक्दो सहयोग गर्दिनुस् ।’
मेहनेत गरेर केही कमाउँछु भनेर बिदेश गएका श्रीमान् जेलमा रहँदा पनि पैसाको अभावले केही गर्न नसकेको भन्दै अम्बिकाले दुःख पोखिन् । रानालाई नेपाल ल्याउन उनको परिवार मात्रै पैसा जुटाउन नसक्ने भएपछि अहिले उनकी श्रीमतीसँगै गाउँका युवाहरू एकजुट भएर रकम संकलन गर्न लागिपरेका छन् ।

उनीहरुले कुमारलाई नेपाल ल्याउनकै लागि ब्लड मनी संकलन अभियान समेत सञ्चालन गरेका थिए । अम्बिका भन्छिन् ‘देश, विदेशमा बस्ने सबै नेपाली दाजुभाइ, दिदीबहिनीहरूले उदार मनले बैंक खातामा सहयोग पठाउनु हुन पनि अपिल गर्दछु ।’
रानालाई सहयोग गर्न चाहनेले प्रभु बैंकको खाता नं.०३९०१००१००६५६९०००००१ मा रकम जम्मा गराउन सकिने छ ।
सम्बन्धित खबर
स्याङ्जामा वैशाख १६ देखि पालिका स्तरीय पुरुष क्रिकेट प्रतियोगिता हुने
मुग्लिन–पोखरा सडकः तनहुँको दमौली बजारमा धमाधम कालोपत्र हुँदै
११ वर्षीया नाबालिकलाई करणी गरेको आरोपमा स्याङ्जाका एकजना पक्राउ
पोखरा विमानस्थल निर्माणका क्रममा १४ अर्ब भ्रष्टाचार भएको निष्कर्ष
वैशाखभर सबै जाँचमा ३० प्रतिशत छुट, न्युरोडमा थाइराइड सित्तैमा
ऐतिहासिक काल्खु मेलाः खुल्ला नृत्य प्रतियोगितामा अनुस्का च्याम्पियन
यो पनि पढौँ
पोखरामा पेट्रोल पम्प जोडिएको घरमा लागेको आगो समयमै निभाउँदा ठूलो क्षति टर्यो
शान्ति निकेतनले १५ करोड लागतमा अत्याधुनिक सुविधायुक्त भवन बनाउँदै
सङ्खुवासभामा लेक लागेर तनहुँका डाक्टर सिग्देलको मृत्यु
तनहुँको गल्छिनामा दुई बाइक ठोक्किँदा १९ वर्षीय किशोरको मृत्यु