पोखरा । पोखरा लेखनाथ महानगरपालिकाका मेयर मानबहादुर जिसीले फिर्के खोलामा बन्ने पैदलमार्ग (फुटट्रयाक) शुभारम्भ गर्ने क्रममा एक्कासी डोजर चल्दा ठूलो दुर्घटना हुन पुगेको छ ।
शुक्रबार बिहान ९ः४० बजेतिरको समयमा औपचारिक कार्यक्रम समापन पश्चात् डोजर चलाएर निर्माण कार्य शुभारम्भ गर्ने क्रममा घटना भएको हो । डोजर चलाउने ज्ञान नभएका मेयर जिसी अपरेटर सिटमा बसेको केहि छिनमै एक्कासी डोजरको अगाडिको बकेट बायाँतिर घुम्दा छेउमा बसेर फोटो खिच्न लागेका पत्रकारहरु र सर्वसाधारण खोलातिर गुल्टिए ।
पर्खालमाथिको रेलिङमा आड लागेर बसेका उनीहरु डोजरको अघिल्लो भाग घुमेर पर्खाल नै भत्काएपछि रेलिङसँगै भिरमा खसेका हुन् । पत्रकार रञ्जन अधिकारी, सन्देश श्रेष्ठ सहित सर्वसाधारण गरी आधा दर्जन भिरमा खसे ।
सिर्जनाचोककी गौरी पौडेललाई माथिबाट खसेको पर्खालको ढुंगाले च्यापेर खुट्टा फ्याक्चर भएको छ । सबैभन्दा तल २० मिटर जति खसेका पत्रकार अधिकारीको हात र खुट्टामा विभिन्न भागमा चोट लागेको छ । खस्ने बित्तिकै अड्कन पुगेका पत्रकार श्रेष्ठ सामान्य छन् ।
पत्रकार अधिकारी र पौडेललाई मेट्रोसिटी अस्पतालमा उपचार गरिएको छ । गण्डकन्युज डटकमका सम्पादक समेत रहेका अधिकारी, रेडियो अन्नपूर्णका सन्देश श्रेष्ठ लगायतका पत्रकार समाचार संकलनका क्रममा त्यहाँ पुगेका थिए । घुँडामा ढुंगाको छपनीले किचिएर गम्भिर चोट लागेका गौरी पौडेल प्रगति आमा समूहकी अध्यक्ष हुन् । उनी शुभारम्भ कार्यक्रममा सहभागी भएकी थिईन् ।
पोखरा लेखनाथ महानगरपालिका कार्यालय, वडा नं. ५ कार्यालय र फिर्के खोला वातावरण संरक्षण तथा बाटो निर्माण उपभोक्ता समिति पोखरा ५ को आयोजनामा भएको कार्यक्रममा मन्तव्यको क्रम सकिएपछि मेयर जिसी वडा अध्यक्ष धनबहादुर नेपालीसँगै डोजरमा शुभारम्भ गर्न गएका थिए । डोजर अपरेटर लिलाचन्द्र डल्लाकोटीले सिट छाडेर पछाडि सरेपछि मेयर जिसी बसे । अपरेटर सँगै थिए । पत्रकारहरु फोटो खिच्न थाले । एक्कासी डोजरको अगाडिको भाग बाँयातिर घुम्यो । पर्खालसहित रेलिङमा धक्का दिएर भत्क्यो, त्यहाँ रहेका आधा दर्जन खोलामा खसे । छेउमै रहेर फोटो खिच्ने पत्रकारहरुले भने मेयर जिसीले एकैचोटी आत्तिएर डोजरको लिभर दवाउने एक्कासी यस्तो घटना हुन पुगेको बताएका छन् ।
पोखरा लेखनाथ महानगरपालिकाका मेयर मानबहादुर जिसीले दुःखद घटना हुन पुगेकोमा आफूलाई पीडाबोध भएको बताएका छन् ।
‘यसरी चलाएर नगरौं भनेको हुँ । सबैले अपरेटर हुन्छ भनेर भने । यस्तो भयो ।’ जिसीले भने – ‘मैले सोचेको पनि थिईनँ । ठूलो दुर्घटना टरेको हो । यति भयानक दुर्घटना हुँदा पनि क्षति भएन । म असाध्यै दुःखी छु यो घटनाले ।’ उनले घाईतेको पूर्ण उपचार निःशुल्क गर्ने जनाउँदै अब आगामी दिनमा आफू सचेत रहने बताए ।
पोखरा लेखनाथ महानगर वडा नं. १८ को अँधेरी कुनादेखी ड्यामसाईडसम्म फिर्केको ६ किमीको दुरीमा पैदलमार्ग बनाउने महानगरको योजना छ । पैदलमार्ग बनाउनको लागि फिर्के खोला वातावरण संरक्षण तथा बाटो निर्माण उपभोक्ता समितिले काम सुरु गरेको छ । यो काम पोखरा ५ बाट सुरु भएको हो ।
तस्विरः नारायण शाही / अनुप प्रकाश पौडेल
दुर्घटना भईरहँदाको अवस्थाका तस्विरहरु र घटना विवरण केहि समयपछि प्रकाशित गर्नेछौं: सं.
सम्बन्धित समाचार
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
पोखरामा पैदल यात्रीलाई दु:ख दिने तथा प्रहरी विरुद्ध अभद्र व्यवहार गर्ने एकजना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग