पोखरानजिकै रहेको सेती नदीमा गरिने साहसिक जलयात्रा (र्याफ्टिङ)मा पर्यटकको आकर्षण बन्दै गएको छ ।
पोखराबाट नजिकै भएकाले छोटो समयमै साहसिक मनोरञ्जन लिन सकिने सेती नदी पर्यटकको रोजाइमा पर्ने गरेको नेपाल एसोसिएसन अफ र्याफ्टिङ एजेन्सिज (नारा) पोखराका अध्यक्ष वीरेन्द्र लामाले बताए ।
तीन घण्टाभित्रै जलयात्रा पूरा गर्न सकिने भएकाले छोटो समयका लागि पोखरा आउने पर्यटकको पहिलो रोजाइमा सेती नदी पर्ने गरेको उनको भनाइ छ । अहिले पोखराको सेती नदीमा दैनिक ३० देखि एक सय जनासम्मले जलयात्रा गर्ने गरेका छन् ।
अपर सेती नदीमा वर्षमा पाँच महिनासम्म र्याफ्टिङ गर्न सकिन्छ । पानीको बहाव ग्रेड चारभन्दा माथिको हुने भएकाले अपर सेती र्याफ्टिङका लागि उत्कृष्ट नदीमध्ये एक रहेको लामाको दाबी छ ।
पछिल्लो समय जलविद्युत् आयोजना निर्माण हुन थालेपछि कतिपय नदीमा अपेक्षाअनुसार जलयात्रा सञ्चालन गर्न नसकिएको व्यवसायीहरू बताउँछन् ।
सेती र मर्दी नदीको दोभानदेखि करिब आठ किलोमिटर दूरीमा रहेको याम्दीसम्म र्याफ्टिङ गराइन्छ । र्याफ्टिङका लागि विदेशी पर्यटकले ६ हजार रुपैयाँ र नेपालीले तीन हजार पाँच सय रुपैयाँ तिर्नुपर्ने लामाले बताए ।
नेपालमा सेती, कालीगण्डकी, मर्स्याङ्दी, त्रिशूली, तमोर, सुनकोसी र कर्णालीलगायत नदीमा सरकारले जलयात्रा सञ्चालन गर्न अनुमति दिएको छ ।
नेपाल आउने पर्यटकमध्ये २५ प्रतिशतले र्याफ्टिङ गर्ने गरे पनि पछिल्ला वर्षहरूमा यो संख्या घट्दै गएको लामाले बताए ।
पोखरामा मात्रै ११ वटा र्याफ्टिङ कम्पनी सञ्चालनमा छन् । देशभर करिब एक सय व्यवसायी यस क्षेत्रमा सक्रिय छन् ।
सम्बन्धित खबर
र्याफ्टिङमा पोखराको अपर सेतीमा पर्यटकको आकर्षण
पोखरा–दुबई उडानको एक वर्षको टिकट बुकिङ खुला
पोखरा बस दुर्घटनाको छानबिन गर्न महानगरले बनायो समिति
पोखरामा स्कुल बस दुर्घटना, ४ विद्यार्थीसहित ५ जनाको मृत्यु
गण्डकी प्रदेश प्रमुख भट्ट समक्ष अख्तियारको प्रतिवेदन पेस
नवप्रवर्तन र प्रविधिमैत्री शिक्षाका लागि एसओएस गण्डकी र एआईसीएनबीच सहकार्य
यो पनि पढौँ
पोखरामा स्कुल बस दुर्घटनाः थप एक जना विद्यार्थी रहेनन्
पोखराका युवा उद्यमी किरण केसी काँग्रेसको केन्द्रीय सदस्य (खुल्ला) मा निर्वाचित
जीबी राईको अडियो प्रायोजित हुन सक्छ : हर्क साम्पाङ
युरोपभर अस्थिरता : फ्रान्स, बेल्जियम, इटली र पोर्चुगलमा प्रदर्शन