तनहुँ । तनहुँ आँबुखैरेनी गाउँपालिका वडा नं. १ बरादी स्थित पृथ्वीराजमार्ग सडक खण्डमा गत असार १२ गते भएको दुर्घटनामा परि घाइते भएका ५ जनाको मृत्यु भएको छ । लापारबाहि गरी सवारी चलाई दुर्घटना गराउने चालक पुर्पक्षको लागि थुनामा पठाइएको जिल्ला प्रहरी कार्यालय तनहुँ डीएसपी सुनिल मल्लले जानकारी दिए ।

उक्त दुर्घटना गराउने आँबुखैरेनी गाउँपालिका वडा नं. २ बस्ने बर्ष २८ को सुक बहादुर गुरुङले आँबुखैरेनीबाट डुम्रे तर्फ चलाई ल्याउँदै गरेको ग १ ख ३०७३ नं को बसले पोखराबाट काठमाण्डौ तर्फ जादै गरेको बा १७ च १८१४ नं.को भ्यान र भ्यानको पछाडी रहेको ग ५ प १९४४ नं. को मोटरसाईकललाई ठक्कर दिदा सो दुर्घटना भएको थियो । उक्त दुर्घटना हुँदा भ्यान चालक सहित सवार ब्यक्तिहरु तथा मोटरसाईकलमा सवार ब्यक्तीहरु घाईते भएका थिए ।

घाइते भ्यान चालक सहित ३ जना र मोटरसाईकलमा सवार २ जना गरी ५ जना ब्यक्तिहरुको उपचारको क्रममा मृत्यु भएको जिल्ला प्रहरी कार्यालय तनहुँले जनाएको छ । दुर्घटनामा सुक बहादुर गुरुङले तिब्र गतिमा लापार्बाही तबरबाट सवारी चलाएको कारण उक्त दुर्घटना भएको प्रहरीले जनाएको छ । उनलाई सवारी ज्यान मुद्धामा अनुसन्धान पुरा गरी सोमबार जिल्ला अदालत तनहुँमा पेश गर्दा उनलाई पुर्पक्षको लागि कारागार कार्यालय तनहुँमा थुनामा पठाइएको प्रहरीले जनाएको छ ।