पोखरा । गत भदौ २३ गते मात्रै बेगनासतालमा डुंगा पल्टेर तिजे पाहुना सहित ८ जनाको ज्यान गयो । दुई हप्ता नपुग्दै अर्को दुर्घटना भयो तर भाग्यवश सबैको ज्यान जोगिएको छ । आज पूर्वान्ह जलकुम्भी पन्छाउने मेसिन पल्टिँदा त्यसमा सवार झण्डै दर्जन जतिको ज्यान जोगिन सफल भएको हो ।
दुर्घटनामा परी घाइते भएका वेगनास युवा क्लबका अध्यक्ष राम बहादुर रानाभाट र डुंगा व्यवसायिक समितिका अध्यक्ष सोमराज कंडेलको अहिले लेखनाथ सामुदायिक लायन्स अस्पतालमा उपचार भइरहेको छ भने अन्यको अवस्था सामान्य रहेको बताइएको छ ।
दुर्घटनामा पोखरा ३१ का वडा अध्यक्ष कमल बहादुर थापा, वडा सदस्य विष्णु बहादुर भुजेल, वडा नं.३१ का इन्जिनियर विमल आचार्य, पत्रकार नवराज सापकोटा, डुंगा व्यवसायिक समितिका सदस्य सविन सापकोटा, मत्स्य व्यवसायिक समतिका अध्यक्ष राजेन्द्र जलारी र ज्ञानु जलारी जलकुम्भि फाल्ने मेशिनमा रहे पनि उनिहरुको सकुसल उद्धार गरिएको थियो । बेगनास क्लब अध्यक्ष रानाभाटको घुँडामा चोट लागेको छ । पत्रकार सापकोटाको निधार र हातमा सामान्य चोट लागेको छ ।
सवैको अवस्था सामान्य रहेको घाइतेहरुले जनाएका छन् । सरसफाइमा जुटेका पत्रकार नवराज सापकोटाले लेखेका छन् ‘तालमा डुवियो, निकै संघर्ष पछि बच्न सफल भईयो ।’
बेगनासताल वृहत सफाईको २९ औं हप्ता चल्दै थियो । जलकुम्भी झार फेवाताल मात्र होईन, बेगनास तालको रोग पनि भएको छ । बिहानैदेखि बेगनास, लेखनाथ क्षेत्रका सामाजिक व्यक्तित्वहरु तालको सफाईमा जुटे । सामूहिक रुपमा पन्छाउँदै थिए । पोखरा महनागरको ताल सफा गर्ने मेसिन पनि प्रयोगमा ल्याइयो । जलकुम्भीको ठूलो झाडी नै भएको स्थानमा मेसिनले जलकुम्भी पन्छाउन लाग्यो । एक्कासी मेसिन दायाँ तर्फ कोल्टियो । दर्जनजति व्यक्ति तालमा खसे ।
तालको बीच भागतिर भएको भए यतिका व्यक्ति जोगिन सक्थे ? यदि मेसिनले नै च्यापेको भए ? तालमुनि झाडीमा फस्न पुगेका भए ? धन्न यस्तो केहि भएन र ज्यान जोगियो । कसरी पल्टियो मेसिन ? झाडीमा मेसिन अल्झेको हुन सक्छ । दर्जन जति व्यक्ति मेसिनमाथि देखिन्छन् । ओभरलोड वा डिस्ब्यालेन्स ? यसतर्फ ध्यान दिएको देखिन्न ।
https://www.facebook.com/gandaknews/videos/300144997447443/
भदौ २३ गते डुंगा डुबिसकेपछि पनि डुंगा शयर गर्दा लाइफ ज्याकेट खै ? भन्दै सामाजिक सञ्जालमा प्रश्नहरु आइरहेको छ । तालमा सावधानी अपनाउनुपर्ने खाँचो देखिएको छ ।
Pic: Ram Ranabhat
सम्बन्धित खबर
एमाले कास्कीले शुभकामना आदानप्रदान तथा चियापान गर्ने
रास्वपाको आज पनि पोखरामा विरोध प्रर्दशन
‘सडकमा भीड उतारेर अनुसन्धान प्रभावित पार्ने काम स्वीकार्य हुँदैन’ – नागरिक समाज पोखरा
छविलाई बुटवल लगियो, रविसँग सोधपुछ सुरू
रास्वपाको प्रदर्शनमा आफू आफैबीच कुटाकुट
ल्वाङमा बन्यो १९ फिट अग्लो बुद्ध मूर्ति
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
छोरा जन्मिएको ४८ घण्टा नबित्दै शिशुसँगै अस्ताए परिवारका ४ जना
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन