पोखरा । अन्तर्राष्ट्रिय स्तरको अत्याधुनिक ल्याब मेसिनबाट सेवा दिइरहेको पोखरा सभागृहचोक स्थित युनाइटेड रेफरेन्स ल्याबोरेटरी प्रालि (युआरएल)सँग विभिन्न संस्थाहरु जोडिने क्रम बढ्दो छ ।

सेवामा सहुलियत दिने सम्बन्धी सम्झौता हालसम्म २२ संघसंस्थाले यूआरएलसँग गरिसकेको छ । कुमारी बैंक लिमिटेड र यूआरएलबीच सेवामा सहुलियत दिनेसम्बन्धी सम्झौता भएको छ ।

सम्झौतामा बैंकका नायब प्रमुख कार्यकारी अधिकृत राजीव गिरी, बैंकका पोखरा शाखा प्रबन्धक सुदर्शनजंग राणा र युआरएलका प्रबन्ध निर्देशक ठाकुरप्रसाद पन्तले हस्ताक्षर गरेका छन् ।

बैंकका सेवाग्राही, कर्मचारी, सेयरधनी र सञ्चालकले युआरएल हुने सबै प्रकारका रक्त परीक्षणमा २५ प्रतिशत छुट पाउनेछन् । यो सम्झौता २ वर्षसम्म मान्य हुने बताइएको छ । बैंकका पोखरा शाखा प्रबन्धक राणाले सेवाग्राहीलाई सुविधा दिन यस प्रकारको सम्झौता भएको बताए । देशभर कुमारीका ९० शाखा र करिब ३ लाख सेवाग्राही छन् ।

युआरएललका प्रबन्ध निर्देशक पन्तले विभिन्न संघ, संस्थासँगको सहकार्यमा सामाजिक उत्तरदायित्व वहन गर्दै गुणस्तरीय सेवा दिन संस्था प्रतिवद्ध रहेको बताए । यूआरएल पछिल्लो क्रममा गुणस्तरीय सेवाकै कारण भाइब्रेन्ट रोस युजर अवार्ड २०७५ बाट समेत सम्मानित भइसकेको छ ।

सम्बन्धित समाचार:

यसकारण पायो यूआरएल र डाइरेक्टर पन्तले ‘भाइब्रेन्ट रोस युजर अवार्ड’