सुन्दरकुमार थकाली, मुस्ताङ । स्थानीय पूर्वाधार बिकास साझेदारी कार्यविधि नियमावली २०७५ अन्तर्गत नेपाल सरकारले बिनियोजन गरेको सांसद बिकासकोष ४ करोड रुपैया बजेट हालै मुस्ताङ पनि बिनियोजन भएको छ ।
जिल्लाका ५ वटै स्थानीयतहको उपस्थितीमा सम्मानजनक पूर्वाधार बिकासका कार्यक्रमलाई प्राथमिकता आधारमा छनौट गर्दै यहाको बृहत्तर बिकासका लागि संघीय सांसद प्रेमप्रसाद तुलाचनले बजेट बिनियोजन गरेको बताएका छन् ।
यसअघि उनले मनोमानी ढङ्गले बजेट बिनियोजन गर्ने परिपाटीको अन्त्य गर्दै सबै स्थानीयतहलाई समेट्ने गरी बजेट बिनियोजन गरेको तुलाचनले जनाए ।उनले भने,‘५ वटै स्थानीयले निर्वाचनमा सहयोग गरेका हुन्,मैले बिकास गर्दा सबै तहको सम्माजनक बिकास गर्नुपर्दछ,सबै ठाउका अधुरा र सुधारका कार्यक्रमलाई समेट्ने प्रयास गरेको छु,काखापाखा गरेको छैन ।’
स्थानीय पूर्वाधार बिकास कार्यक्रमलाई क्रमागत रुपमा सांसद बिकास कोषको प्राप्त रकम मार्फत पूरा गर्दे लगिने सासद तुलाचनले बताए । उनले जिल्ला समन्वय समितिको प्रशासनिक खर्च ४ लाख छुट्याएर बाँकी ३ करोड ९६ लाख स्थानीयतहको बिकासमा बजेट खर्च गरिने बताए ।
सासद बिकास कोषबाट पूर्वाधार बिकासका लागि प्राप्त हुने रकम मध्ये सबैभन्दा बढी घरपझोङ गाउपालिका १ करोड १० लााख छ भने, सबै भन्दा कम लोघेकर दामोदरकुण्ड गाउपालिका जम्मा ६५ लाख पाएको छ । त्यस्तै लोमान्थाङ गाउपालिकाले ८० लाख, वारागुङ मुक्तिक्षेत्र गाउपालिकाले ७० लाख र सांसद तुलाचनको गृह गाउपालिका थासाङलाई ७१ लाख बिनियोजन गरिएको जिसस अधिकारी केशव बिमलीले जानकारी दिए ।
सांसद बिकास कोष पूर्वाधार साझेदारी कार्यक्रम अन्तर्गत सांसद प्रेमप्रसाद तुलाचनले नदी नियन्त्रणका लागि आवश्यक तटबन्ध, सिचाई, धार्मिक स्थलको स्रोन्नति, खेलकुद पूर्वाधार,शैक्षिक सभाहलको निर्माण,ग्रामिण सडकको स्तरोन्नति,सांस्कृतिक सम्पदाको बिकास, सामूदायिक भवन निर्माण तथा सुधार, ग्यास डिपो संञ्चालन, खानेपानी र पदमार्ग सुधार आदी जस्ता योजनालाई महत्व दिएका हुन् ।
सम्बन्धित खबर
ओली सरकारको १०० दिनका उपलब्धि: सहकारी ठगीमा संलग्नमाथि कारबाहीदेखि कन्सर्टसम्म (पूर्णपाठ)
भिड जम्मा पारेर अदालतलाई प्रभावित पार्ने चेष्टा नगर्न रास्वपालाई ७ दलको आग्रह
कांग्रेस-एमाले मिलेर बनेको सरकार ढाल्ने सपना नदेखे हुन्छ : प्रधानमन्त्री ओली
रास्वपाले न्यायिक प्रक्रिया प्रभावित पार्न खोज्योः कांग्रेस
संघीय अस्पतालमा रेडियोलोजी रिपोर्ट डिजिटल गर्ने
लायन्स क्लबको सहयोग काभ्रेमा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते