पोखरा, ६ माघ । पोखरामा चोरी गर्ने गिरोह पक्राउ परेको छ । विभिन्न ठाउँमा चोरी भएको सूचना पाएपछि प्रहरीले अनुसन्धान अघि बढाएको थियो ।

अनुसन्धानबाट चोरीका घटनामा संग्लन ब्यक्ति र गिरोहरुलाई पक्राउ गर्न सफल भएको हो । शुक्रबार पोखरा ९ पृथ्वीचोकबाट शंकास्पद अवस्थामा हिडिरहेको अवस्थामा उनीहरुलाई पक्राउ गरेको कास्की प्रहरीले जनाएको छ ।

पक्राउ पर्नेमा चितवन रापनी नगरपालिका ११ घर भई पोखरा १० घलेचोक बस्ने १९ बर्षिय सुनिल श्रेष्ठ, वाग्लुङ जैमिनी नगरपालिका ९ घर भई पोखरा २५ हेमजा बस्ने २७ बर्षको खुमप्रसाद थापा र पोखरा ९ पृथ्वीचोक बस्ने २३ बर्षका गगन खवास छन् । उनीहरुले समूहमा मिलेर चोरी गरेको कास्की प्रहरीले जनाएको छ ।

वडा प्रहरी कार्यालय बैदामका प्रमुख डिएसपी नविन कार्कीका अनुसार उनीहरुले  ६ घरमा लगातार चोरी गरेका थिए ।
आठ वटा ढोका फोडेर १५ मिनेटमै चोर्न पनि सफल भएका थिए ।

चोरी गर्न काठमाण्डौसम्म जाने गरेको अनुसन्धानबाट खुलेको छ। गण्डकी टेलिभिजनका सञ्चारकर्मी निरज पन्तको कोठामा चोरी गर्नेहरु पनि यिनीहरु नै रहेको प्रहरीले जनाएको छ ।

सुनिललाई पक्राउ गरेर सोधपुछ गर्ने क्रममा पोखराका विभिन्न ठाउँमा डेरा गरि बस्नेहरुलाई पक्राउ गरेको हो । उनीहरुको साथबाट भारतीय र कतारियन नोट सहित, विभिन्न कम्पनिको मोबाईल ४ थान, २ थान घडी, क्यामेरा १ थान, एसडी कार्ड १ थान, सुनौलो रङको धातु १७ टुक्रा, टप २ थान, मुन्द्रा २ थान, झोला २ थान, खुकुरी २ थान, फलामको छिनो १ थान र एउटा ह्यामर बरामद गरेको छ ।

कानुनानुसार कारबाही प्रक्रिया अघि बढाइने प्रहरीले जनाएको छ ।