पोखरा, १५ माघ । अखिल नेपाल फुटबल संघ एन्फा, कास्की द्वारा आयोजित छैटौं मनकामना कप फुटबलको उद्घाटन खेलमा सशस्त्र प्रहरीको एपिएफ क्लब बिजयी भएको छ ।
हिमालयन शेर्पा विरुद्ध भएको उद्घाटन खेलमा एपिएएफ २–१ गोलले बिजयी भएको हो । खेलको २६ औं मिनेटमा आशिष लामाले २१ यार्ड टाढा बाट हानेको प्रहार हिमालयन शेर्पाका गोल रक्षक किशोर गिरीलाई छल्दै गोलमा परिणत भएको थियो । खेलको ५४ औं मिनेटमा हिमालयन शेर्पाका अमर डगोलले गोल फर्काउँदै खेललाई बराबरीमा ल्याए पनि त्यो लामो समय टिकेन ७८ औं मिनेटमा विदेशी खेलाडी यूरिच शिबीको डि बक्स भित्रको ह्याण्डमा रेफ्रिले पेनाल्टी दिए । कप्तान शुदिप शिखाकारले पाएको मौकालाई गोलमा परिणत गर्दै हिमालयन शेर्पालाई चितवनमा राइनो कपमा हारको बदला समेत चखाए ।
खेल पछि प्रतिक्रिया दिंदै एपिएफका प्रशिक्षक राजेन्द्र तामाङले आफूहरु पोखरा जित्नका लागि आएको बताए । जितले अगाडीको यात्रा सहज बनाएको र टिमको मनोबल समेत उठाएको उनको भनाई थियो । तर हिमालयन शेर्पाका टिम म्यानेजर बिरेन्द्र पुडाशैनीले रेफ्रिको गलत निर्णयका कारण टिमले हार व्योर्हनु परेका बताए ।
बुधबारको खेल च्यासल यूबा क्लब र क्यामरुनको टिम विच हुने आयोजक एन्फा कास्कीले जनाएको छ । यसअघि भएको उद्घाटन कार्यक्रमलाई सम्वोधन गर्दै पोखरा महानगरका मेयर मान बहादुर जिशीले पोखरालाई खेल पर्यटनको शहरको रुपमा माथी उठाउन कम्तिमा पनि ५० हजार दर्शक क्षमताको रंगशाला निर्माण हुनुपर्ने बताए । कार्यक्रम एन्फा कास्कीका अध्यक्ष मिलन गुरुङको अध्यक्षतामा भएको थियो ।
दर्शक टाट माथि
पोखरा स्टेडियम निर्माण शुरुहुन एक वर्ष भन्दा वढी भइसक्यो । अहिले पोखरा स्टेडियमको हालत २०३८ साल भन्दा अघिको अवस्थामा पुगेको छ । एन्फा कास्कीले केही सिप नलागे पछि दर्शकलाई फुटबलको मनोरंजन लिन गर्न टाटको व्यवस्था गरेको छ । मैदानको पूर्वतर्फ भिरालो भागलाई सफा गरेर दर्शकका लागि ब्यवस्था गरिएको हो । एन्फाले मैदानको पश्चिमतर्फ भने २ हजार दर्शकका लागि अस्थाई प्यारापिट बनाएको छ ।
७ महिनामा बन्छ भन्दै करिब दुई बर्ष अघि राष्ट्रिय खेलकुद परिषदले भत्काएको रंगशाला टेन्डर पश्चात निर्माण कम्पनीले अहिले डिपिआर तयार गर्दैछ भने माटो परिक्षण पनि हुँदैछ ।
पोखराबाट सञ्चालित खेलकुदको मात्र वेब पोर्टल पोखरा स्पोर्टस् डटकमबाट:
This will close in 4 seconds
सम्बन्धित खबर
प्रतिभा सुपर लिग क्रिकेट सुरू, प्रतिभा र बाल मन्दिरको विजयी सुरूवात
पुलिसलाई हराउँदै न्यू डायमण्डले जित्यो टाइगर कपको महिलातर्फको उपाधि
होराइजन क्लब वालिङ्ले जित्यो २६ औं आदर्श कप
प्रेस चौतारी पत्रकारिता पुरस्कार रामजीलाई, विष्णुलाई सम्मान
पोखराका पत्रकारद्वय धन र सागरलाई टंकादेवी–तुलसीप्रसाद पत्रकारिता पुरस्कार
प्रतिभा माविमा गणित हाजिरीजवाफ
यो पनि पढौँ
स्याङ्जाको बैंकमा सुरक्षा गार्डमाथि चक्कु प्रहार, एक युवक पक्राउ
प्रतिभा माविमा गणित हाजिरीजवाफ
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ
सुनकाे मूल्य आज घट्यो