अश्विन दानी, पोखरा । पोखराका वडा कार्यालयहरुमा चोरी हुने क्रम रोकिएको छैन । एकपछि अर्को गरी कार्यालयहरु चोरी भइरहेका छन् । पोखरा वडा नं. १३ पहिल्यैदेखि चर्चित छ । युवा नेतृत्व दर्शन लामा पाएको यस वडामा सबै कामहरु अहिले कम्प्युटराइज्ड छन् । निकै फड्को मारिसकेको यस वडा कार्यालयमा समेत चोरको आँखा लाग्यो ।

पोखरामा महानगरपालिका वडा नम्बर १३ कार्यालयमा बिहिबार राती करीब १० बजेको समयमा चोरी भएको हो ।चोरले ४ वटा मनिटर, २ वटा सिपियू, २ वटा प्रिन्टर, २ वटा सीसी क्यामरा र २ वटा मल्टिप्लग चोरेर भागेको वडा कार्यालयले जनाएको छ ।

सीसी क्यामेरा डिस्कनेक्ट गरेर मात्रै चोरी

बिहिबार राती वडा कार्यालयमा चोरी गर्न आएका चोरहरुले सीसी क्यामेरा डिस्कनेक्ट गरेर मात्रै चोरी गरेको वडा अध्यक्ष दर्शन लामाले जानकारी दिए ।

‘चोरहरु बाठो रहेछन् । त्यसैले सीसी क्यामरा डिस्कनेक्ट गरेर मात्रै चोरी गरेछन्,’ वडा अध्यक्ष लामाले भने, ‘चोरीबाट वडा कार्यालयलाई करीब २ लाख बराबरको क्षति भएको छ । हामीले प्रहरीलाई खबर गरिसकेका छौँ ।’

पोखरामा यसअघि पाँच वटा वडा कार्यालयमा चोरी भइसकेको छ । सम्बन्धित भिडियो

Pic. Onlinekhabar