तनहुँ । जिल्ला प्रहरी कार्यालय तनहुँले प्रतिबन्धित लागुऔषध सहित एक जना लाई पक्राउ गरेको छ ।

पक्राउ पर्नेमा बाराको सिम्रेनगढ नगरपालिका वडा नं.९ बस्ने बर्ष २१ को रेयाज खाँ पैठान रहेको जिल्ला प्रहरी कार्यालय तनहुँले जनाएको छ ।

शनिबार बिहान २ बजेको समयमा तनहुँको व्यास नगरपालिका वडा नं.१२ घाँसीकुवा स्थित पृथ्वीराजमार्गमा सवारी चेकजाँचको क्रममा पैठान लाई पक्राउ गरिएको प्रहरीले जानकारी दिएको छ ।

रौतहटबाट पोखरा तर्फ जादै गरेको ना ४ ख ९८३१ नं.को बसमा सवार रहेका प्रतिवादी रेयाज खाँ पैठान पक्राउ परेका हुन ।

पठानको साथबाट नुफिन लेखेको तरल पदार्थ सहितको शिशी थान १५, बुप्रेनोर्फिनको शिशी थान १०, फेनेरेगन लेखेको 2 मिलिको शिशी थान २५, डाइजेपान इन्जेक्सन शिशी थान १५, डाइजेपान इन्जेक्सन लोरि शिशी थान १० र इन्ट्राजेपामको पत्ता ५ वटा पत्तामा रहेको १५० वटा चक्की लागू औषध फेला परेको प्रहरीले जनाएको छ ।

उक्त लागुऔषध बरामद गरी रेयाज खाँ पैठानलाई पक्राउ गरी लागुऔषध मुद्धामा आइतबार नै जिल्ला अदालत तनहुँबाट म्याद थप अनुमती लिई थप अनुसन्धान भईरहेको जिल्ला प्रहरी कार्यालय तनहुँले जनाएको छ ।