पोखरा । मंगलबार राति पोखराको अमरसिंह चोकमा दुर्घटनामा परी मृत्यु भएका पुरुषको सनाखत भएको छ । मंगलबार राति साढे ११ बजे पोखरामा निर्माणाधिन क्षेत्रिय अन्तराष्ट्रिय विमानस्थल निर्माणमा प्रयोग गर्ने गरेको बा२०च २५६६ नम्बरको हाइलक्स गाडीले पैदलयात्री युवालाई ठक्कर दिँदा उनको घटनास्थलमा मृत्यु भएको थियो । मृत्यु हुने कास्कीकै माछापुच्छ्रे गाउँपालिका वडा नं. ९ निवासी देउकुमार तामाङ रहेको सोहि वडाका अध्यक्ष दुर्गा बहादुर क्षेत्रीले जानकारी दिए ।

३८ वर्षीय तामाङ पोखरामा बसेर कुल्फी, आइसक्रिम बेच्ने काम गर्थे । असार १७ गते राति लोडसेडिङ समयमा आफ्नो कोठाबाट पारीपट्टी पसलमा लामखुट्टे धुप र क्याण्डल किनेर फर्कने क्रममा रोडमा गाडीले ठक्कर दिएको थियो । चालक चाइनिज नागरिक थिए । श्रोतका अनुसार पैदलयात्री तामाङ र चालक चिनियाँ नागरिक दुवै मापसे सेवन गरेको रिपोर्ट आएको छ । परिवारको जाहेरी अनुसार चालक विरुद्ध कानुनी कारबाही प्रक्रिया अघि बढिसकेको र उनी थुनामा रहेको जिल्ला प्रहरी कार्यालय कास्कीका प्रवक्ता डिएसपी राजकुमार केसीले जानकारी दिए ।

मृतक तामाङ अविवाहित हुन् । उनका ५ जना दाजुभाइ छन् । पोखरा क्षेत्रीय अन्तर्राष्ट्रिय विमानस्थल आयोजनाले सडक दुर्घटनामा मृत्यु वापतको बिमा रकमका साथै परिवारको चित्त बुझाउने गरी क्षतिपूर्ति दिएको परिवार निकट श्रोतले जनाएको छ ।

http://gandaknews.com/amarsingchowk/