पोखराको सेदीमा निर्माण भइरहेको केबलकारको निर्माण कार्य लगभग अन्तिम चरणमा पुगेको छ । हालसम्म करिब ८० प्रतिशत सम्पन्न भएको निर्माण पक्षले जनाएको छ । दशैं अगावै केवलकार संचालनमा ल्याउने तयारीका साथ तीब्र रुपमा काम भईरहेको संचालक निर्देशक मध्येका एक तिर्थराज त्रिपाठीले जानकारी दिएका छन् । पोखराको फेवाताल किनारा र सराङकोटलाई जोड्ने गरी बनेको यो केवलकार सम्पन्न हुने बेलासम्म एक अर्ब ३० करोड लगानी हुने भएको निर्देशक त्रिपाठीले जनाए ।

केवलकारमा प्रयोग हुने डोरी, गण्डला, सहितका मेसिनरी सामानहरु पोखरामा आइसकेको बताउँदै उनले जेनेरेटर मात्र आउन बाँकी रहेको जानकारी दिए । उक्त सामानको जडान कार्य बाँकी रहेको छ । उनका अनुसार सराङकोट स्थित टप स्टेसनमा छानो हालिसकिएको छ भने बटम स्टेसनमा छानो हाल्ने क्रम सुरु भएको छ । १८ वटा टावर रहने केवलकारको १७ वटा बनिसकेको छ । स्टेसनमा टायल, मार्वल इन्टरनेट, कार्यालय व्यवस्थापन, पार्किङ लगायतका काम भइरहेको त्रिपाठीले जनाए ।

यहाँ काम सकिएपछि भदौमा जापानबाट प्राविधिक टोली आएर सुपरभिजन गर्ने जनाइएको छ । पोखरामा पर्यटनको नयाँ प्रोडक्टको रुपमा विकसित भएपछि आन्तरिक तथा बाह्य पर्यटकको आगमनमा बृद्धि हुने त्रिपाठीले बताए । २ हजार २ सय ७५ मिटर लम्बाइको केबलकारको क्षमता करिब ३६ वटा भन्दा बढी डिब्बाको भए पनि १८ वटा डिब्बा (गोन्डोला) रहने छन । प्रति डिब्बा ८ जनाको सिट क्षमताको रहने छ । १७ वटा डिब्बा यात्रुको लागि प्रयोग हुने छ । एउटा डिब्बा भने सामान ओसाारपसारका लागि छुट्याइएको छ । केवलकारले प्रति घण्टा १ हजार ५ सय जनालाई सेवा दिन सक्नेछ । केबलकारबाट फेवातालको किनार सेदीबगरदेखि सराङ्गकोट ९ मिनेटमै पुग्न सकिने छ । सरकारले ४० वर्षका लागि लिजमा उक्त जग्गा उपभोग गर्न स्वीकृत दिएको छ ।

http://gandaknews.com/annapurna-cable/

http://gandaknews.com/sarangkot-cablekar/

http://gandaknews.com/pokhara-cablecar/