तनहुँ । वेदव्यास महर्षि होइनन् भगवान वेदव्यास भएको वरिष्ठ संस्कृतिविद एवं प्रज्ञाप्रतिष्ठानका उप-कुलेपति जगमान गुरुङले बताए । सो कुरा गुरुङले मंगलबार दमौलीमा आयोजित महर्षि वेदव्यासको विराटमुर्ति विषयक विद्धत संग परामर्श सभा कार्यक्रममा बताएका हुन ।
भगवान विष्णुको अवतार मध्ये एक अवतार वेदव्यास समेत भएको हुँदा वेदव्यास भगवान भएको उनले बताए । वेदव्यासको मुर्ति बनाउने कुरामा अब कसैले पनि बखेडा गर्न नहुने गुरुङले बताए । व्यासको मुर्ति उभिएकै बनाउनु पर्ने गुरुङले बताए । दायाँ खुट्टा अगाडि बढाएको, आँखा ठुलो, नाक चुच्चो र दायाँ हात उठाएको र बायाँ हातमा कमण्डलु लिएको बनाउन वरिष्ठ संस्कृतिविद गुरुङले सुझाव दिए ।

विद्वान वर्ग संग छलफल गरेरमात्र वेदव्यासको मुर्ति बनाउने भनेर सो कार्यक्रम गरिएको संस्थाका प्रमुख संरक्षक काशीनाथ न्यौपानेले बताए ।

१०८ फिटको वेदव्यासको मुर्ति बन्नु सबैको लागि गौरवको कुरा भएको व्यास नगरपालिकाका प्रमुख वैकुण्ठ न्यौपानेले बताए । सो कार्यको लागि व्यास नगरपालिकाले ५० लाख रुपैयाँ विनियोजन समेत गरिसकेको प्रमुख न्यौपानेले बताए । वेदव्यासले प्रवाह गर्न खोजेको सन्देशको आधारमा मुर्ति बनाउन उनले सुझाव दिए ।

दमौली र तनहुँलाई मात्रै नभई नेपाललाई नै अन्तराष्ट्रिय स्तरमा चिनाउने काम वेदव्यासले गर्ने प्रमुख जिल्ला अधिकारी रुद्रप्रसाद पण्डितले बताए । मुर्ति कै आकारकै विषयमा लामो छलफल गर्नुभन्दा पनि काम गर्नुपर्ने इन्जिनियर विनोद खड्काले बताए ।

भावना संग जोडिएकाले दृष्टिका आधारमा वेदव्यासको मुर्ति बनाउनुपर्ने विशिष्ट अतिथि किशोर गौतमले बताए । भगवान प्रतिको आस्था घटाउने काम विरोधीहरु गर्ने उनले बताए ।
सनातन धर्ममाथि प्रहार भैरहेको प्रा डा. देवमणी भट्टराईले बताए । सनातन हिन्दु धर्म विज्ञानसंग समेत जोडिएको उनलेे बताए ।
व्यासको मुर्ति स्वरुपमा बसेको छलफलले एउटा अर्थपुर्ण निष्कर्ष निकाल्ने प्रा डा. नारायण प्रसाद गौतमले बताए ।

व्यास क्षेत्र शिवपाञ्चायन विकास कोष दमौली तनहुँको आयोजनामा भएको सो कार्यक्रमको सभापतित्व संस्थाका अध्यक्ष अशोक कुमार श्रेष्ठले गरेका थिए ।

सो कार्यक्रममा नेपाली काङ्ग्रेसका नेता समुन्द्र गोदार, नेकपा तनहुँका सचिव राजेन्द्र केशरी न्यौपाने, नेकपाका केन्द्रिय सदस्य प्रतापलाल श्रेष्ठ लगाएतले बोलेका थिए ।
कार्यक्रममा विभिन्न धार्मिक संघसस्थाका प्रतिनिधि तथा बुद्धिजीवीको उपस्थिति रहेको थियोे ।

कार्यक्रममा स्वागत मन्तव्य संस्थाका उपाध्यक्ष एक बहादुर रानाले गरेका थिए भने कार्यक्रमको संचालन संस्थाका महासचिव विष्णुभक्त सिग्देलले गरेका थिए ।